Amérika hökümiti Uyghurlar diyaridiki zulumgha shérik emeldarlargha wiza cheklimisi qoydi

Muxbirimiz eziz
2019-10-08
Share

Amérika-xitay soda söhbiti bashlinish harpisida tramp hökümiti Uyghurlar diyaridiki siyasiy basturushqa shérik bolghan xitay emeldarlirigha wiza cheklimisi qoyidighanliqini élan qildi.

"CNBC Xewerliri" ning 8-öktebirdiki xewiride éytilishiche, amérika tashqi ishlar ministiri mayk pompéyo bu qararning Uyghur, qazaq we bashqa musulmanlar ammisini tutqun qilish we xorlashqa mes'ul emeldarlarni nishan qilidighanliqini alahide eskertken. U bu heqte qilghan sözide: "Amérika qoshma shtatliri xitay xelq jumhuriyitini shinjangdiki zulumlirini tézdin ayaghlashturush, bigunah tutqun qilin'ghanlarni derhal qoyuwétishke chaqiridu" deydu.

Bu qararning élinishi amérika hökümiti xitay shirketlirini qara tizimlikke kirgüzüsh bilen tengla dégüdek otturigha chiqqan bolup, xitay terep buninggha qattiq naraziliq bildürgen. Emma bir qisim analizchilar buni "Amérika hökümitining xitaygha qaratqan cheklesh tedbirlirining bashlinishi" dep qarimaqtiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.