Cherchen nahiyesi yene xitay ölkiliridin alahide imtiyazlar bilen oqutquchi qobul qilidiken

Muxbirimiz irade
2019.02.07

Uyghur élidiki nahiyeler xitay ölkiliridin zor türkümde oqutquchi qobul qilmaqta.

7-Féwral küni cherchen nahiyelik hökümet öz tor bétide nahiye tewesidiki bashlan'ghuch we ottura mekteplerge xitay miqyasi boyiche jem'iy 86 neper oqutquchi qobul qilidighanliqi heqqide uqturush tarqitilghan.

Uqturushta yene nahiye tewesidiki bashqa xizmet orunlirigha 200 neper xizmetchi xadim qobul qilinidighanliqi bildürülgen bolsimu, emma uningda xizmetning némiliki éniq tilgha élinmighan. Uqturushta bu orun'gha qobul qilin'ghanlarning yataq we turmushining hökümet teripidin birdek orunlashturulidighanliqi, nopusining yerlikke yötkilip, balilirining 15 yil boyiche heqsiz oqutulidighanliqi, qobul qilin'ghanlarning joriliriningmu oqush tarixigha qarap turup muwapiq xizmet bilen teminlinidighanliqidek imtiyazlar alahide eskertilgen.

Cherchen nahiyelik da'iriler bultur 8-aydila memliket miqyasi boyiche 300 neper saqchi xadimi qobul qilidighanliqi toghrisida uqturush chiqirip, qobul qilinidighan saqchilargha öy yardem puli, qishliq issinish puli we qoshumche mukapat puli qétilip, ayda 10 ming yüen'ge yéqin ma'ash bérilidighanliqini jakarlighan idi.

Yéqindin buyan Uyghur élidiki herqaysi nahiyelerning tor betliride mushu xildiki oqutquchi, saqchi we bashqa edliye xadimliri qobul qilish heqqidiki uqturushlarning köpiyishi diqqet qozghimaqta.

Muhajirettiki Uyghur közetküchiler buning bir jiddiy siyasiy weziyetning éhtiyajidin boluwatqanliqini perez qilishmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.