Xitay ölkiliride oqush püttürgen xitay oqughuchilarni Uyghur élida yerlishishke seperwerlik qilish xizmiti bashlan'ghan

Muxbirimiz irade
2019-04-12
Élxet
Pikir
Share
Print

Xitay hökümiti Uyghur élige xitay ölkiliridin adem yötkeshni tézleshtürüsh üchün mexsus Uyghur élige qaritilghan "Aliy mektep oqughuchilirini gherbiy rayonda mulazimet qilishqa seperwerlik pilani" ni resmiy bashliwetken.

"Shinjang géziti" ning bu heqtiki xewirige qarighanda, xitay ölkiliridin Uyghur élige bérish üchün tizimlatqan aliy mektep oqughuchiliri Uyghur élidiki 14 wilayet we olast, 74 nahiye we sheherge orunlashturulidiken. Tizimlash xizmiti 6-ayghiche dawam qilidiken.

Mezkur pilanni xitay kommunistik yashlar ittipaqi merkiziy komitéti, xitay ma'arip ministirliqi, maliye ministirliqi, kadirlar ministirliqi qatarliq organlar birlikte uyushturghan bolup, bu yilliq qobul qilish nishani 4000 neper iken. Mezkur pilan boyiche hazirghiche Uyghur élige kélip orunlashqan xitay aliy mektep oqughuchiliri 20 ming neperdin ashidiken.

Bu heqtiki xewerde Uyghur élige kélip ishleshni tallighan xitay oqughuchilirining turmush, yataq we tamaq qatarliq jehetlerdiki étibar bérish siyasetliri we shundaqla nurghun qoshumche yardem pulliridin behrimen bolidighanliqi eskertilgen.

Xitay da'iriliri Uyghur élige türlük namlar astida xitay köchmenlirini yötkeshni izchil dawamlashturup kelmekte. Uyghur élida 2017-yili lagér tüzümi yolgha qoyulup, 2 milyon'ghiche Uyghur we qazaq qatarliq yerlik xelqler lagérgha qamalghandin buyan xitay ölkiliridin adem yötkesh salmiqining yenimu kücheygenliki melum.

Közetküchilerning qarishiche, nöwette Uyghur élidiki herqaysi nahiye tor betlirining xitay ölkiliridin ishchi-xizmetchi we saqchi xadimi qobul qilish heqqidiki élanlar bilen toshup kétishi buni ispatlap béridiken.

Toluq bet