Lopnur nahiyeside 3000 mo kéwez térip, her modin 300 kilogram paxta alidighan xitay yashliri peyda bolghan

Muxbirimiz jewlan
2021-05-05
Share

Xitay taratqulirining teshwiq qilishiche, yéqinda lopnur nahiyeside 90-yillardin kéyin tughulghan ikki xitay, zamaniwi téxnikilardin paydilinip 3000 mo kéwez térip, her modin 300 kilogram paxta alidighanliqi toghruluq jeng élan qilishqan.

Xewerde éytilishiche, "Yéngiliq yaritish rohigha tolup tashqan" bu ikki xitay, tupraq nemliki we uning témpératurisini ölcheshtin tartip kéwez térish we paxta yighishqiche toluq aptomatlashqan eqliy iqtidarliq yéza igilik mashinilirini ishqa sélip, her bir mo kéwezdin 300 kilogram paxta alidighanliqi toghruluq riqabet élan qilishqan. 3000 Mo yerge en'eniwi usulda kéwez térish we paxta yighishqa adette 30 emgek küchi kétidighan bolup, eger toluq mashinilishish emelge ashurulsa, uninggha adem küchi ketmeydiken. Nöwette, lopnur nahiyeside 1 milyon 200 ming mo kéwez meydani bolup, kéwez térishni mashinilashturush sewiyesi 96 pirsentke yetken.

Közetchilerning qarishiche, xitay hökümiti yéqinqi yillardin béri Uyghur rayonida yéza igilikni mashinilashturush sür'itini shiddet bilen ashurup, köpligen déhqanlarning we birqisim kéwez térish bilen shughullinip igilik tiklewatqanlarning yerlirini "Yerlerni qaytidin ölchep teqsim qilish" dégendek namlar bilen yighiwélip, en'eniwi tériqchiliq sheklini bikar qilip, bingtu'enni merkez qilghan hemde sana'et-karxana bilen étiz-meydanni birleshtürgen ishlepchiqirish qurulmisi berpa qilghan. Lopnur nahiyeside peyda bolghan bu xitay yashlirining diqqet qozghishi we hökümetning qollishigha érishishi xitayning yéngi bir ewladlirini Uyghur diyarida makanlishish, xalighanche igidarchiliq qilish we bayliq toplashqa ilham bériwatqanliqini körsitidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet