Korla shehiri 450 neper "Shitat sirtidiki oqutquchi" qobul qilidighanliqi heqqide élan chiqarghan

Muxbirimiz irade
2020-08-13
Élxet
Pikir
Share
Print

Korla shehiri yéqinda jem'iyettin 450 neper oqutquchi qobul qilidighanliqi heqqide uqturush chiqarghan. "Bayin'gholin géziti" de élan qilin'ghan bu uqturushqa qarighanda, bu oqutquchilarning hemmisi shitat sirtida qobul qilinidiken.

Korla shehiri yéqinqi ikki yildin buyan intayin köp sanda xizmetchi xadim qobul qilish élani chiqarghan sheherlerning biri hésablinidu. Korla shehiri yéqinqi birqanche yil mabeynide xitayning ichkiy ölkiliridin shitatliq we shitatsiz intayin zor sandiki saqchi, alahide saqchi, yardemchi saqchi, we oqutquchi qobul qilghan.

Bu qétim shitat sirtida qobul qilinidighan 450 neper oqutquchilar korladiki yesli, bashlan'ghuch we toluqsiz ottura mekteplerge qobul qilinidiken. Xewerde shitat sirtida qobul qilinidighan bu oqutquchilarning korla ma'arip sistémisidiki oqutquchilar qoshunini toluqlashni meqset qilghanliqi déyilgen.

Korlagha qobul qiliniwatqan adem sanining heddidin ziyade köplüki chet'ellerdiki Uyghur ziyaliylirining izchil diqqitini qozghap kelmekte. Ular bu heqtiki mulahiziliride xitay hökümitining korlani Uyghur élining jenubini kontrol qilishtiki bir bazigha aylandurush üchün hedep xitay köchmenlerni yötkep adem toluqlawatqan bolushi mumkinlikini perez qilishmaqta.

Yéqinda xitay hökümiti xitayning chingxey ölkisining golmud shehiridin Uyghur élining korla shehirige tutushidighan golmud-korla tömür yoli qurulushining altuntaghni téship ötken asasliq tunélining pütkenlikini xewer qildi. Közetküchiler bu tömüryol linyeside qurulush ishlirining tamalinishi, téximu zor türkümde xitay köchmenlirining korla arqiliq Uyghur diyarining jenubigha yerlishishige asanliq tughdurup bérishi mumkin, dep qarimaqta.

Toluq bet