Xitay hökümiti xitay oqughuchilarni "Shinjangda yiltiz tartish" qa chaqirdi

Muxbirimiz eziz
2020-09-04
Élxet
Pikir
Share
Print

Xitay hökümiti yéqinda omumiy chaqiriq élan qilip herqaysi ölkilerdin Uyghur diyarigha oqushqa kelgen xitay oqughuchilarni oqush püttürgendin kéyin xitay ölkilirige qaytmasliq, eksiche "Shinjangda yiltiz tartish" qa chaqirghan.

"Tengritagh tori" ning 4-séntebirdiki xewiride éytilishiche, nöwettiki xizmet ornigha adem yétishmeslik mesilisini hel qilish üchün her derijilik orunlar yuqiri ma'ash, ewzel xizmet shara'iti qatarliqlarni wede qilish bedilige téximu köp xitay yashlirini Uyghur diyarida xizmet qilish, shu arqiliq muqim kespiy hayat berpa qilishqa chaqirghan.

Halbuki, yéqinqi mezgillerde aliy mekteplerni püttürgen minglighan aliy mektep oqughuchilirining ishsiz qéliwatqanliqi yaki lagérlargha yolliniwatqanliqi heqqide türlük xewerler otturigha chiqqan idi. Amérikadiki musteqil analizchi élshat hesen bu ehwal toghrisida pikir qilip: "Adette xitay oqughuchilarning ichkiridiki héchqandaq aliy mektepke ötelmigen eng dötliri bizning wetinimizge oqughuchi bolup kélidu. Emdi mushu bir türküm oqughuchilar oqush püttürüp, Uyghur diyaridiki herqaysi idare orunlirigha xizmetke chüshse mustemlike hakimiyetning Uyghurlarni basturushigha yantayaq bolidu. Bu sépi özidin hem wetinimizdiki xitay nopusini köpeytish hem Uyghurlargha qaritilghan zulumni téximu ashurushtek qosh meqsetni közligen yirginichlik pilan," dédi.

Toluq bet