3500 Хитай оқуғучи уйғурлар дияриға атлинидиғанлиқини билдүрди

Мухбиримиз әзиз
2020-09-07
Share

Хитай һөкүмитиниң уйғур дияридики сиясий бастуруш һәрикәтлири хәлқарада кәскин тәнқидлиниватқанда, уларниң бу һәрикәткә техиму көп хитайларни җәлп қилмақчи болуши диққәт қозғиди.

«Үрүмчи кәчлик гезити» ниң 7-сентәбирдики хәвиридә ейтилишичә, хитай һөкүмитиниң «ғәрбий қисимға ярдәм бәргүчи пидаий оқуғучилар қурулуши» йеқинда хитай өлкилиридин уйғур дияриға берип хизмәт қилишни халайдиған 3500 нәпәр алий мәктәп оқуғучиси билән тор арқилиқ хизмәт тохтами түзгән. Хәвәрдә ейтилишичә, бу оқуғучилар бир йилдин үч йилғичә хизмәт қилидиған болуп, асаслиқи маарип, асасий қатлам вә теббий саһәдә хизмәт қилидикән.

Муһаҗирәттики анализчилар бу һәқтә пикир қилип, миңлиған уйғур алий мәктәп оқуғучилири ишсиз йүрүватқан, шуниңдәк уйғур яшлири миңлап хитай өлкилиригә «ешинча әмгәк күчи» дегән намда әрзан әмгәк күчи болуп йөткиливатқанда, бунчә көп хитай оқуғучини елип келишниң қоюқ сиясий муддиаға игә икәнликини алға сүрди. Америкадики мустәқил көзәткүчи елшат һәсән бу һәқтә пикир қилип: «шүбһисизки, юқири мааш билән елип келингән бу хитай оқуғучилар уйғурларниң миллий кимликини йоқитиш һәмдә давамлишиватқан қирғинчилиқ паалийәтлиригә һәссә қошидиған кишиләрдур. Буларниң һәммиси әмәлийәттә хитай мустәмликичилириниң шәрқий түркистандики һөкүмранлиқини иҗра қилғучи әмәлдарлар қошуниниң намзатлири,» деди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.