3500 Xitay oqughuchi Uyghurlar diyarigha atlinidighanliqini bildürdi

Muxbirimiz eziz
2020-09-07
Élxet
Pikir
Share
Print

Xitay hökümitining Uyghur diyaridiki siyasiy basturush heriketliri xelq'arada keskin tenqidliniwatqanda, ularning bu heriketke téximu köp xitaylarni jelp qilmaqchi bolushi diqqet qozghidi.

"Ürümchi kechlik géziti" ning 7-séntebirdiki xewiride éytilishiche, xitay hökümitining "Gherbiy qisimgha yardem bergüchi pida'iy oqughuchilar qurulushi" yéqinda xitay ölkiliridin Uyghur diyarigha bérip xizmet qilishni xalaydighan 3500 neper aliy mektep oqughuchisi bilen tor arqiliq xizmet toxtami tüzgen. Xewerde éytilishiche, bu oqughuchilar bir yildin üch yilghiche xizmet qilidighan bolup, asasliqi ma'arip, asasiy qatlam we tébbiy sahede xizmet qilidiken.

Muhajirettiki analizchilar bu heqte pikir qilip, minglighan Uyghur aliy mektep oqughuchiliri ishsiz yürüwatqan, shuningdek Uyghur yashliri minglap xitay ölkilirige "Éshincha emgek küchi" dégen namda erzan emgek küchi bolup yötkiliwatqanda, bunche köp xitay oqughuchini élip kélishning qoyuq siyasiy muddi'agha ige ikenlikini algha sürdi. Amérikadiki musteqil közetküchi élshat hesen bu heqte pikir qilip: "Shübhisizki, yuqiri ma'ash bilen élip kélin'gen bu xitay oqughuchilar Uyghurlarning milliy kimlikini yoqitish hemde dawamlishiwatqan qirghinchiliq pa'aliyetlirige hesse qoshidighan kishilerdur. Bularning hemmisi emeliyette xitay mustemlikichilirining sherqiy türkistandiki hökümranliqini ijra qilghuchi emeldarlar qoshunining namzatliri," dédi.

Toluq bet