Сенатор мит ромней уйғурларға зулум қиливатқан хитай һөкүмитини» дунядики әң зор тәһдит, «дәп көрсәтти

Мухбиримиз ирадә
2019-10-03
Елхәт
Пикир
Share
Принт

Америкадики тонулған вә нопузлуқ әрбабларниң бири, кеңәш палата әзаси мит ромней хитай һөкүмити өз һакимийитиниң 70 йиллиқини зор тәнтәнә билән қутлуқлаватқан 1-өктәбир күни бир баянат елан қилип, «хитай дунядики әң зор тәһдит,» дәп көрсәтти.

У тивиттер қатарлиқ тор бәтләр арқилиқ елан қилған бу баянатида уйғурларниң лагерға қамилиш мәсилисиниму тилға алди. Баянатта мунулар дейилгән: «70 йилдин буян һакимийәт сүрүватқан хитай компартийәси өзиниң еғир бесим вә чәклимә сиясәтлирини давам қилмақта, у өзигә тәвә болмиған деңизларни игилимәктә вә хәлқаралиқ сода нормлириға очуқ-ашкара хилаплиқ қилмақта. Өзиниң иқтисадий вә һәрбий қудритини йәниму кеңәйтиш үчүн һәрикәт қиливатқан бу һакиммутлуқ хитай бәлким дунядики әркинликкә зор тәһдит болғуси бирдин-бир дөләт болуши мумкин.»

Мит ромний йәнә хитайниң кишилик һоқуқ дәпсәндичиликлири үстидә тохтилип йәнә мунуларни баян қилған: «хитайниң еғир кишилик һоқуқ дәпсәндичиликлири, болупму униң хоңкоң намайишчилириға қиливатқан зомигәрлики вә уйғурларға қаратқан зор көләмдики тутқун һәрикити американиң дунядики дост вә шерик дөләтлири билән һәмкарлишип хитайдин ибарәт бу йүкселиватқан хәвпкә тақабил турушниң кәң көләмлик истратегийәсини түзүп чиқишиниң қанчилик дәриҗидә зөрүрлүкини испатлап турмақта.»

Сенатор мит ромнейниң юқириқи сөзлири нөвәттә уйғурлар мәсилисиниң америка сиясәт саһәсидики муһим мәсилиләрниң биригә айланғанлиқиниң ипадиси, дәп қаралмақта.

Пикирләр (0)
Share
Толуқ бәт