Sénator mit romnéy Uyghurlargha zulum qiliwatqan xitay hökümitini" dunyadiki eng zor tehdit, "Dep körsetti

Muxbirimiz irade
2019-10-03
Élxet
Pikir
Share
Print

Amérikadiki tonulghan we nopuzluq erbablarning biri, kéngesh palata ezasi mit romnéy xitay hökümiti öz hakimiyitining 70 yilliqini zor tentene bilen qutluqlawatqan 1-öktebir küni bir bayanat élan qilip, "Xitay dunyadiki eng zor tehdit," dep körsetti.

U tiwittér qatarliq tor betler arqiliq élan qilghan bu bayanatida Uyghurlarning lagérgha qamilish mesilisinimu tilgha aldi. Bayanatta munular déyilgen: "70 Yildin buyan hakimiyet sürüwatqan xitay kompartiyesi özining éghir bésim we cheklime siyasetlirini dawam qilmaqta, u özige tewe bolmighan déngizlarni igilimekte we xelq'araliq soda normlirigha ochuq-ashkara xilapliq qilmaqta. Özining iqtisadiy we herbiy qudritini yenimu kéngeytish üchün heriket qiliwatqan bu hakimmutluq xitay belkim dunyadiki erkinlikke zor tehdit bolghusi birdin-bir dölet bolushi mumkin."

Mit romniy yene xitayning kishilik hoquq depsendichilikliri üstide toxtilip yene munularni bayan qilghan: "Xitayning éghir kishilik hoquq depsendichilikliri, bolupmu uning xongkong namayishchilirigha qiliwatqan zomigerliki we Uyghurlargha qaratqan zor kölemdiki tutqun herikiti amérikaning dunyadiki dost we shérik döletliri bilen hemkarliship xitaydin ibaret bu yükséliwatqan xewpke taqabil turushning keng kölemlik istratégiyesini tüzüp chiqishining qanchilik derijide zörürlükini ispatlap turmaqta."

Sénator mit romnéyning yuqiriqi sözliri nöwette Uyghurlar mesilisining amérika siyaset sahesidiki muhim mesililerning birige aylan'ghanliqining ipadisi, dep qaralmaqta.

Toluq bet