Aqchi nahiyesidin 135 neper yash yuqum ehwali éghir bolghan jéjiyang ölkisige ewetilgen

Muxbirimiz irade
2020-02-27
Share

Xitay da'iriliri 27-féwral küni Uyghur élidin yene bir türküm yashlarni xitay ölkilirige yötkidi.

Xitay xewerler torining xewirige qarighanda, 26-féwral küni qizilsu qirghiz aptonom oblastining aqchi nahiyesidin 135 neper yash jéjiyang ölkisining yiwu shehirige qarap yolgha chiqqan. Bu yashlar aptobos bilen aqsu ayrodromigha apirilghandin kéyin, mexsus ayropilan arqiliq yiwugha ewetilgen.

Yuqiridiki xewerde xitay ölkiliride yuqum ehwalining tézginlen'genliki, bu yashlarning ichkiri ölkilerdiki zawut-karxanilarning nöwette jiddiy emgek küchi éhtiyajini qamdash üchün pidakarliq bilen seperge atlan'ghanliqi ilgiri sürülgen. 

Xitay da'iriliri ötken heptining axirliridin bashlap "Yéza éshinche emgek küchliri" namidiki Uyghur yashlirini korona wirusi keng tarqalghan xitay ölkilirige yötkeshke bashlighan idi. Deslepki türkümde az kem 400 dek Uyghur yash xoten we aqsu wilayetliridin yuqum ehwali eng éghir bolghan xunen, jéjyang we jyangshi ölkilirige yollan'ghan idi. 

Diqqet qozghaydighini shuki, xitay axbaratliri xewerliride Uyghur yashlirining "Arzu ayrupilanliri" gha olturup, yenimu köp pul tépishqa atlan'ghanliqini teshwiq qilghan. Biraq chet'ellerdiki Uyghur közetküchiler Uyghur yashlirining türküm-türkümlep eng éghir yuqum rayonlirigha ewetilishige naraziliq bildürmekte. Ular bu heqtiki inkaslirida Uyghur yashliri xitay ölkiliridiki ishlepchiqirishni kapaletke ige qilish üchün "Qurbanliq" qilip tallandi, déyishmekte. 

Derweqe, xitay dölet re'isi shi jinping yéqinda xitay boyiche ishlepchiqirishni eslige keltürüp, iqtisadqa kapaletlik qilish heqqide jiddiy yolyoruq bergen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet