Uyghurshunas darrin baylér térrorluq kapitalizimining Uyghurlarni basturushni dunya iqtisadigha qandaq baghlighanliqini yazdi

Muxbirimiz erkin
2021-10-15
Share

Kanadadiki simon fréyzér uniwérsitétining tetqiqatchisi darrin baylér "Ulus" tor zhurnilida maqale élan qilip, xitay térrorluq kapitalizimining Uyghurlarni basturushni dunya iqtisadi bilen qandaq baghlighanliqini yazghan. Darrén baylérning qarishiche, "Shinjangdiki lagérlar bilen amérikadiki guwahnamisiz ishlesh erkinliksiz oxshash bir gewdining parchiliri" ‍iken. U maqaliside؛ "Uyghur élining ötken bir qanche yilliq jeryanidiki tekshürüsh ponkitliri, lagérlar we zawutlar emgikidiki siyasiy, iqtisadiy küchlerni "Térrorluq kapitalizmi" dep sherhiligen.

Darrén baylérning éytishiche, bu xil "Térrorluq kapitalizmi" kapitalning bir xil radikal shekli bolup, "U milliy we irqiy perq keltürüp chiqarghan tehdittin paydilinip, yéngi shekildiki meblegh toplash we dölet küchi hasil qilidiken".

Bu bir gherb mutexessisining tunji qétim xitayning Uyghur élidiki tutqun we mejburiy emgekni uning dölet kapitalistik iqtisadi pa'aliyiti arqiliq chüshendürüshidur.

U "Térrorluq kapitalizmi Uyghurlarni basturushni dunya iqtisadigha qandaq baghlidi" mawzuluq meqaliside "Kapitalizmning yéngi chégrasini berpa qilish

Bazar sirtidiki nersilerni tawargha aylandurushni körsitidighanliqi" ni bildürgen.

Uning éytishiche, bu ilgiri tebi'iy bayliqlarni qézish, mustemlike qilin'ghan yerlerni mülükke aylandurush we irqlashqan kishilerni sana'et ishlirining bir qismi süpitide töwen ma'ashliq ishleshke yaki héchqandaq heq bermeslikke mejburlash teriqiside bolghan bolsa, dewrimizdiki sün'iy idrakning tereqqiyati buni xaraktér, bi'o-sanliq melumat, dégenlerni ishlitip, ünüm, éhtiyaj we jinayetke ‍oxshash hadisilerni aldin'ala ‍ölcheydighan, perez qilidighan mehsulatlarni ishleshke yüzlendürgen".

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet