Michél bachélét Uyghurlar heqqidiki doklatni tézdin élan qilishqa chaqirilghan

Muxbirimiz eziz
2022-01-18
Share

Birleshken döletler teshkilati (b d t) kishilik hoquq aliy kéngishi Uyghur diyaridiki siyasiy weziyet heqqide mexsus doklat teyyarlap chiqqan bolup, hazirghiche téxi élan qilinmighan idi. 18-Yanwar küni amérika dölet mejlisi qarmiqidiki xitay ishliri ijra'iye komitétining re'isliridin kéngesh palata ezasi jéf mérkéliy we awam palata ezasi jéymis mekgowérn b d t kishilik hoquq aliy kéngishining re'isi michél bachélétqa ochuq mektup yollap, bu doklatni béyjing qishliq olimpik musabiqisi bashlinishtin ilgiri élan qilishni telep qilghan.

Mektupta ular michél bachéléttin b d t munbiride buningdin birer yilche ilgiri körülgen “Xitayni qollash” shamilini eslitip ötüsh arqiliq shu waqittila 50 nechche mutexesssining Uyghur diyaridiki zulum we basturush endishilirini ipade qilghanliqini, ularning shu waqittila “B d t kishilik hoquq kéngishi bu mesilide xitay hökümitining qilmishlirini közitip turushi lazim” dégenlikini alahide tekitligen. Mektupta éniq qilip: “Biz kishilik hoquq aliy kéngishining shunche köp mutexessisler otturigha qoyghan shunche köp tewsiyelerni qobul qilmighanliqidin bekmu ümidsizlenduq. Silerning bu heqtiki doklatni béyjing qishliq olimpik musabiqisi bashlinishtin ilgiri élan qilishinglar, dunya jama'itining u jayda némilerning boluwatqanliqini éniqraq bilishi üchün bekmu muhim” déyilgen.

Melum bolushiche, kishilik hoquq aliy kéngishining bu doklati 2021-yili séntebirde qoldin chiqqan bolsimu, namelum sewebler tüpeylidin hazirghiche élan qilinmighan iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet