Шәвкәт мирзайеф тәхткә чиққандин кейин өзбекистанниң һакимийәт системисида зор тәңшәш елип бериватқанлиқи мәлум болмақта

Мухбиримиз қутлан
2016-12-17
Share


Шәвкәт мирзайеф өзбекистанниң һакимийәт һоқуқини қолға алғандин буян оттура асия вәзийитигә қизиққучилар униң керимоф дәвридә турғузулған һакимийәт системисида қандақ өзгиришләрни ясайдиғанлиқиға йеқиндин диққәт қилмақта.

Азатлиқ радийосиниң бүгүнки хәвиригә қариғанда, шәвкәт мирзайеф президентлиққа сайлинип бир ай болмайла һакимийәт органлиридики кәримофниң адәмлирини сиқип чиқиришқа башлиған.

Илгири кәримофниң избасарлиридин бири дәп қаралған малийә министери рустәм әзимоф һоқуқидин елип ташлинип, униң орниға батур хоҗайеф малийә министери болған.

Ундин башқа, кәримоф вәзипигә тәйинлигән сәһийә министери билән аяллар комитетиниң мудириму вәзиписидин елип ташланған.

Хәвәрдә дейилишичә, шәвкәт мирзайеф йәнә өзиниң йеқинлиридин икки кишини баш министер абдулла арипофниң муавинлиқиға тәйинлигән. Ундин башқа, ташкәнт вә сир дәря областлириниң башлиқлириниму алмаштуруп, өз йеқинлирини вәзипигә тәйинлигән.

Көзәткүчиләр, әгәрдә шәвкәт мирзайеф өзбекистанниң һакимийәт системисини бу тәриқидә өзигә садиқ кишиләр билән толдуривалса, униң кәлгүсидә диктатор ислам керимофниң йолиға меңиш мумкинчиликиниң йоқ әмәсликини тәкитлимәктә.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт