Shewket mirzayéf textke chiqqandin kéyin özbékistanning hakimiyet sistémisida zor tengshesh élip bériwatqanliqi melum bolmaqta

Muxbirimiz qutlan
2016-12-17
Share


Shewket mirzayéf özbékistanning hakimiyet hoquqini qolgha alghandin buyan ottura asiya weziyitige qiziqquchilar uning kérimof dewride turghuzulghan hakimiyet sistémisida qandaq özgirishlerni yasaydighanliqigha yéqindin diqqet qilmaqta.

Azatliq radiyosining bügünki xewirige qarighanda, shewket mirzayéf prézidéntliqqa saylinip bir ay bolmayla hakimiyet organliridiki kerimofning ademlirini siqip chiqirishqa bashlighan.

Ilgiri kerimofning izbasarliridin biri dep qaralghan maliye ministéri rustem ezimof hoquqidin élip tashlinip, uning ornigha batur xojayéf maliye ministéri bolghan.

Undin bashqa, kerimof wezipige teyinligen sehiye ministéri bilen ayallar komitétining mudirimu wezipisidin élip tashlan'ghan.

Xewerde déyilishiche, shewket mirzayéf yene özining yéqinliridin ikki kishini bash ministér abdulla aripofning mu'awinliqigha teyinligen. Undin bashqa, tashkent we sir derya oblastlirining bashliqlirinimu almashturup, öz yéqinlirini wezipige teyinligen.

Közetküchiler, egerde shewket mirzayéf özbékistanning hakimiyet sistémisini bu teriqide özige sadiq kishiler bilen tolduriwalsa, uning kelgüside diktator islam kérimofning yoligha méngish mumkinchilikining yoq emeslikini tekitlimekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet