Өзбекистан хитайға кишмиш експорт қилидиған асаслиқ дөләткә айланған

Мухбиримиз үмидвар
2017-03-26
Share


Өзбекистан учур васитилириниң хәвәр қилишичә, өзбекистан җумһурийити нөвәттә хитайға кишмиш експорт қилидиған асаслиқ дөләткә айланған болуп, бу һәқтә йеқинда ташкәнттә өткүзүлгән хитай-өзбекистан һөкүмәтлири арисидики сода-иқтисадий һәмкарлиқ комитетиниң йиғинида хитай муавин сода министири фән әйчин тохталған.

Мәзкур хитай сода әмәлдари сөзидә йеқинқи үч йилда өзбекистанниң хитайға кишмиш експорт қилишта биринчи орунға өткәнликини билдүргән.

Әлвәттә, йәнә өзбекистанниң хитайға чиқириватқан тәбиий газ миқдариму ашурулған.

Өзбекистанниң "подробно.Ру"ториниң хәвиридә көрситилишичә, кишмиш ташкәнтниң хәлқара базарларға, җүмлидин хитайға чиқиридиған йемәклик мәһсулатлири ичидә әң муһим салмақни игиләйдикән.

Әмма, өзбекистан билән хитай арисидики содида тәбиий газ йәнила алдинқи орунда туридиған болуп, икки дөләт арисида зор көләмдики тәбиий газ келишими имзаланған. Икки дөләт сода миқдари давамлиқ өстүрүлүп, өткән йили 4милярд 200 милйон америка доллириға йәткән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт