Özbékistan xitaygha kishmish éksport qilidighan asasliq döletke aylan'ghan

Özbékistan uchur wasitilirining xewer qilishiche, özbékistan jumhuriyiti nöwette xitaygha kishmish éksport qilidighan asasliq döletke aylan'ghan bolup, bu heqte yéqinda tashkentte ötküzülgen xitay-özbékistan hökümetliri arisidiki soda-iqtisadiy hemkarliq komitétining yighinida xitay mu'awin soda ministiri fen eychin toxtalghan.

Mezkur xitay soda emeldari sözide yéqinqi üch yilda özbékistanning xitaygha kishmish éksport qilishta birinchi orun'gha ötkenlikini bildürgen.

Elwette, yene özbékistanning xitaygha chiqiriwatqan tebi'iy gaz miqdarimu ashurulghan.

Özbékistanning “Podrobno.Ru”torining xewiride körsitilishiche, kishmish tashkentning xelq'ara bazarlargha, jümlidin xitaygha chiqiridighan yémeklik mehsulatliri ichide eng muhim salmaqni igileydiken.

Emma, özbékistan bilen xitay arisidiki sodida tebi'iy gaz yenila aldinqi orunda turidighan bolup, ikki dölet arisida zor kölemdiki tebi'iy gaz kélishimi imzalan'ghan. Ikki dölet soda miqdari dawamliq östürülüp, ötken yili 4milyard 200 milyon amérika dollirigha yetken.