Özbékistandiki chet'el muxbirliri ichide xitay muxbirliri eng köp sanni igiligen

Muxbirimiz ümidwar
2016.01.03


Özbékistan hökümiti teripidin resmiy türde testiqidin ötüp, özbékistanda xewer ishlesh hoquqigha ige bolghan 30 chet'el ammiwi axbarat wasisiti muxbirining ichide xitay muxbirliri eng köp sanliqni igiligen.

Perghane uchur torining özbékistan tashqi ishlar ministirliqining tor sehipiside ötken yili 29 - dékabir küni tarqitilghan özbékistandiki xewer ishlesh hoquqigha érishken chet'el muxbirliri tizimlikidin neqil élishiche, özbékistan tashqi ishlar misnitirliqi ruxset qilghan 30 chet'el muxbirining 14 nepiri xitay muxbiri bolup, bular: xitay merkiziy téléwiziye, shinjang téléwiziyesi, wénxuy géziti, iqtisad kündilik géziti, shinxu'a agéntliqi we bashqilarning muxbirliri iken.

Xewerde éytilishiche, xitay axbarat wastilirining özbékistanda mundaq keng da'iride yer élishi, xitayning ottura asiya jumhuriyertliridiki weqelerge nahayiti diqqet qiliwatqanliqini körsetse, yene bir tereptin özbékistan bilen xitayning muqim we yaxshi munasiwetlirini körsitidiken.

Özbékistan bilen türkiyening siyasiy qarashlirida zor perqler bolsimu, emma türkiyining 5 muxbiri tizimlikke kirgen bolup, ular “Jahan”, “T r t> we “Anatolu” agéntliqlirining muxbirliri iken. Emma tashkent teripidin ruxset qilin'ghan rusiye muxbiri ikki neper bolup ular, intérfakis, we rusiye xewerler agéntliqining muxbirliri iken.

2006 - Yili, özbékistan tashqi ishlar ministirliqi özbékistan tashqi ishlar ministirliqining testiqidin ötüp, tizimgha élinmighan her qandaq chet'el muxbirining özbékistan zémindin kespiy pa'aliyet qilishi cheklen'gen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.