Amérika hökümiti "Fayzir shirkiti" yasighan waksinini resmiy testiqlidi

Muxbirimiz eziz
2020-12-08
Share

Xitayning wuxen shehiridin tarqilip pütün dunyagha apet bolghan tajsiman wirusigha qarshi waksina yéqinda amérika yémeklik we dora bashqurush idarisining resmiy testiqidin ötti.

"Washin'gton pochtisi" gézitining 8-dékabirdiki xewiride éytilishiche, amérika yémeklik we dora bashqurush idarisi "Fayzir" we "Bi'onték" shirkiti hemkarliship yasighan tajsiman wirusigha qarshi waksinini bir mezgillik sinaqtin ötküzüp, buning emlen'gendin kéyin yuqumning aldini élish iqtidarining 95 pirsenttin ashidighanliqini muqimlashturghan. En'gliye tunji bolup amérikadin bu waksi'inini sétiwalghan bolup, amérika teweside bu waksinini tarqitish xizmiti bügünla bashlinidiken. Amérikadiki tébbiy orunlarning waksina emlesh xizmiti dékabir éyining otturiliri bashlinidiken. Saqliq sughurtisi barlar üchün waksina heqsiz emlensimu, sughurtisi yoq kishilerning buninggha 40-35 amérika dolliri etrapida heq töleydighanliqi texmin qilinmaqtiken.

Melum bolushiche, tajsiman wirusi yamrighandin buyan amérika we bashqa jaylarda xéli köp sandiki Uyghurlar buningdin yuqumlinip, beziler mushu tüpeylidin hayatidin ayrilghanidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet