Волкесваген үрүмчидики тиҗаритини давамлаштуридиғанлиқини билдүргән

Мухбиримиз әркин
2021.04.19

Германийә аптомобил шеркити-волкесваген кишилик һоқуқ тәшкилатлириниң тәнқидигә қаримай озиниң үрүмчидики завутиниң ишләпчиқиришини давамлаштуридиғанлиқини билдүргән. Мәзкур ширкәтниң ейтишичә, униң үрүмчидики завутида “мәҗбури әмгәкниң мәвҗут болуши мумкин әмәс” икән. Волкесвагенниң баянати америка, канада, германийә қатарлиқ дөләтләрдә волкесвагенға қарши наразилиқ һәрикәтләр партлап, униң үрүмчидики завутини тақиши тәләп қилиниватқан мәзгилдә елан қилинди.

Волкесвагенниң үрүмчидики завути 2013-йили қурулған болуп, униң уйғур мәҗбури әмгикидин пайдиға еришиш мумкинчилики әндишә қозғап кәлгән. Германийә ахбарат агентлиқиниң хәвәр қилишичә, волкесвагенниң хитай базириға мәсул әмәлдари стефан волейштейн 19-април шаңхәйдә мухбирларға бу ширкәтниң үрүмчидики завутиниң һәркитини ақлап, ширкәтниң мизаниға әмәл қиливатқанлиқини билдүргән.

У мундақ дегән: “мәҗбурий әмгәктәк кишиләрниң тәнқидигә учрайдиған бундақ мәсилиниң бизниң завутимизда мәвҗут болуши мумкин әмәс. Чүнки биз ишчи-хизмәтчиләрни бивастә қобул қилимиз,” дегән. Униң ейтишичә, “көп хиллаштурушниң йолға қоюлуши аз санлиқ милләтләрниң ишқа орунлишиш мәсилисиниму һәл қилған болуп, бу хил усулниң һечқандақ кәмситиш шәкли йоқ” икән.

У йәнә “шинҗаңға мәбләғ селиш иқтисадий нуқтидин мумкинла болса уни давамлаштуридиғанлиқи” ни билдүргән. Лекин көзәткүчиләрниң ейтишичә, волкесваген “ишчи-хизмәтчиләрни бивастә қобул қилимиз” дисиму, бирақ районда һөкүмәт контрол қилмиған уйғур әмгәк күчи йоқ икән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.