Wolkiswagénning Uyghur élidin chékinishi 2024-yildiki 10 chong “Kishilik hoquq xewiri” ning biri bolghan

Washin'gtondin muxbirimiz jewlan teyyarlidi
2024.12.25

Kishilik hoquqni közitish teshkilati her yili dégüdek dunyaning her qaysi jayliridiki kishilik hoquq mesililirige a'it chong xewerlerni tallap, kishilerning diqqitige sunup kelgen bolup, bu xewerler irqiy qirghinchiliq, mejburiy emgek, siyasiy mehbuslarning jazalinishidin tartip méyiplar we köchmenler hoquqining depsende qilinishi, hökümet, jem'iyet we ammiwi teshkilatlarning bu heqte néme ishlarni qilghanliqi, kishilik hoquqni qoghdash jehette dunyada qandaq ilgirileshlerning qolgha keltürülgenliki dégendek nuqtilargha chétilidiken.

Kishilik hoquqni közitish teshkilatining tor bétide élan qilin'ghan, 2024-yilliq 10 chong “Kishilik hoquq xewiri” ichide birinchisi, gérmaniye wolkiswagén shirkitining Uyghur élidin chékinishi heqqidiki xewer bolghan. Wolkiswagén shirkiti bu yil ürümchidiki zawutini taqap, Uyghur élidin pütünley chékinidighanliqini qarar qilghan. 2012-Yil qurulghan bu zawut Uyghur mejburiy emgikige chétishliqi bilen izchil eyiblinip kelgen bolup, xitaygha qoyulghan mejburiy emgek jazasi we xelq'ara eyibleshlerning bu shirketning kasatlishishi we xelq'ara bazarda igiligen nisbitining töwenlishige xéli küchlük seweb bolghanliqi melum. Mana bular kishilik hoquqni qoghdash kürishining yene bir chong netijisi dep qaralghan. Kishilik hoquqni közitish teshkilati bu heqte bergen bahasida: “Wolkiswagén shirkiti burunla shundaq qilishi kérek idi. Bu shirketning chékinishi xitay hökümiti insaniyetke qarshi jinayet ötküzüwatqan, Uyghur we bashqa türkiy milletlerni mejburiy emgekke séliwatqan bu rayonda exlaqiy mes'uliyet bilen shirket mangdurushning mumkin bolmaydighanliqini körsitip béridu” dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.