«Вашингтон почтиси» гезити: «хитай етник қирғинчилиқни тохтатмиғичә униң билән сода қилмаслиқ керәк»

Мухбиримиз җәвлан
2020-09-16
Елхәт
Пикир
Share
Принт

14-Сентәбир «вашингтон почтиси» гезитиниң торида елан қилинған «хитай етник қирғинчилиқни тохтатмиғичә униң билән сода қилмаслиқ керәк» дегән хәвәрдә билдүрүлүшичә, «вашингтон почтиси» гезиниң мәхсус обзурчиси, ню-йорк асия җәмийити америка-хитай мунасивәтлири мәркизиниң алий тәтқиқатчиси исак стон фиш (Isaac Stone Fish) диснейниң хитай билән бирлишип ишлигән «мулән» намлиқ филимни тәнқидлигән болуп, дисней ширкитиниң хитай секретари ши җинпиң уйғурларға етник қирғинчилиқ йүргүзүватқан районда бу филимни сүрәткә алғанлиқини ейтқан һәмдә «дисней үчүн ейтқанда, бу наһайити чоң сәтчилик, шундақла кишини йиргәндүридиған бир иш,» дегән.

Хәвәрдә ейтилишичә, хитай билән сода қиливатқанларниң көпинчиси хитайниң бу җинайәтлиригә ярдәм қилмақта икән. Шуңа барлиқ дөләтләр вә ширкәтләр хитай билән болған содисини ахирлаштурушқа тиришчанлиқ көрситиши, таки хитай уйғурларға бу қорқунчлуқ қирғинчилиқни йүргүзүшни тохтатқанға қәдәр шундақ қилиши керәк икән. Хәвәрдә йәнә мундақ дейилгән: «бу тиришчанлиқлар ши җинпиңниң һөкүмранлиқини аяғлаштуруп, хитайниң иқтисадини қисқа муддәттә вәйран қилалмаслиқи мумкин, әмма биз хитайниң бу җинайитигә қарап турмайдиғанлиқимизни билдүрүп қоюшимиз керәк.»

Пикирләр (0)
Share
Толуқ бәт