"Washin'gton pochtisi" géziti: "Xitay étnik qirghinchiliqni toxtatmighiche uning bilen soda qilmasliq kérek"

Muxbirimiz jewlan
2020-09-16
Élxet
Pikir
Share
Print

14-Séntebir "Washin'gton pochtisi" gézitining torida élan qilin'ghan "Xitay étnik qirghinchiliqni toxtatmighiche uning bilen soda qilmasliq kérek" dégen xewerde bildürülüshiche, "Washin'gton pochtisi" gézining mexsus obzurchisi, nyu-york asiya jem'iyiti amérika-xitay munasiwetliri merkizining aliy tetqiqatchisi isak ston fish (Isaac Stone Fish) disnéyning xitay bilen birliship ishligen "Mulen" namliq filimni tenqidligen bolup, disnéy shirkitining xitay sékrétari shi jinping Uyghurlargha étnik qirghinchiliq yürgüzüwatqan rayonda bu filimni süretke alghanliqini éytqan hemde "Disnéy üchün éytqanda, bu nahayiti chong setchilik, shundaqla kishini yirgendüridighan bir ish," dégen.

Xewerde éytilishiche, xitay bilen soda qiliwatqanlarning köpinchisi xitayning bu jinayetlirige yardem qilmaqta iken. Shunga barliq döletler we shirketler xitay bilen bolghan sodisini axirlashturushqa tirishchanliq körsitishi, taki xitay Uyghurlargha bu qorqunchluq qirghinchiliqni yürgüzüshni toxtatqan'gha qeder shundaq qilishi kérek iken. Xewerde yene mundaq déyilgen: "Bu tirishchanliqlar shi jinpingning hökümranliqini ayaghlashturup, xitayning iqtisadini qisqa muddette weyran qilalmasliqi mumkin, emma biz xitayning bu jinayitige qarap turmaydighanliqimizni bildürüp qoyushimiz kérek."

Toluq bet