“вашингтон почтиси” хуавейниң уйғур елидики назарәт программисиға қатнашқанлиқини ашкарлиди

Мухбиримиз әркин
2021-12-15
Share

Американиң “вашингтон почтиси” гезити еришкән йеңи һөҗҗәтләр хитай технологийә ширкити хуавейниң уйғур елидики назарәт программилириға қатнашқанлиқимни ашкарлиған. Бу гезитниң тәкитлишичә, улар хуавейниң тор бетидин буниңға аит әндишә қиларлиқ нәрсиләргә еришкән. Хуавейниң уйғурларни назарәт қилишқа қатнашқанлиқи йеңилиқ болсиму, бирақ бу тунҗи қетим униңға даир дәлилләрниң ‍ашкарлинишидур.

“вашингтон почтиси” ниң ейтишичә, хуавейниң улар еришкән вә тәрҗимә қилған “павер поинт” чүшәндүрүшидин, униң “шинҗаңдики әмгәк, қайта-тәрбийәләш лагерлири вә назарәт системисиниң техникилиқ қурлушиға арлашқанлиқи мәлум болған.” хәвәрдә бу дәлилләр хуавейниң райондики аз санлиқ милләтләрни җазалашқа қатнашқан болуши мумкинликини көрсәткәнлики тәкитләнгән.

Хәвәрдә ейтилишичә, “вашингтон почтиси” бу һөҗҗәткә хуавей бу учурларни өзиниң тор бекитидин еливетиштин бурун еришкән икән.

Хәвәрдә бу һөҗҗәт хуавейниң башқа ширкәтләр билән бирлишип қурған бир қанчә системиға аит тәпсили учурларни, шундақла 2014-йилдин 2020-йилғичә болған арлиқтики мета санлиқ мәлуматлирини өз ичигә алғанлиқи билдүрүлгән. Мәлум болушичә, америка һөкүмити хитайниң уйғурларни бастурушиға ярдәм бәргән нурғун хитай ширкәтлирини “қара тизимлик” кә алған болсиму, бирақ һазирғичә хуавейниң уйғурларни бастурушта ойниған роли анчә диққәт қозғимай кәлгән иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт