“Washin'gton pochtisi” xu'awéyning Uyghur élidiki nazaret programmisigha qatnashqanliqini ashkarlidi

Muxbirimiz erkin
2021.12.15
Share on WhatsApp
Share on WhatsApp

Amérikaning “Washin'gton pochtisi” géziti érishken yéngi höjjetler xitay téxnologiye shirkiti xu'awéyning Uyghur élidiki nazaret programmilirigha qatnashqanliqimni ashkarlighan. Bu gézitning tekitlishiche, ular xu'awéyning tor bétidin buninggha a'it endishe qilarliq nersilerge érishken. Xu'awéyning Uyghurlarni nazaret qilishqa qatnashqanliqi yéngiliq bolsimu, biraq bu tunji qétim uninggha da'ir delillerning ‍ashkarlinishidur.

“Washin'gton pochtisi” ning éytishiche, xu'awéyning ular érishken we terjime qilghan “Pawér po'int” chüshendürüshidin, uning “Shinjangdiki emgek, qayta-terbiyelesh lagérliri we nazaret sistémisining téxnikiliq qurlushigha arlashqanliqi melum bolghan.” xewerde bu deliller xu'awéyning rayondiki az sanliq milletlerni jazalashqa qatnashqan bolushi mumkinlikini körsetkenliki tekitlen'gen.

Xewerde éytilishiche, “Washin'gton pochtisi” bu höjjetke xu'awéy bu uchurlarni özining tor békitidin éliwétishtin burun érishken iken.

Xewerde bu höjjet xu'awéyning bashqa shirketler bilen birliship qurghan bir qanche sistémigha a'it tepsili uchurlarni, shundaqla 2014-yildin 2020-yilghiche bolghan arliqtiki méta sanliq melumatlirini öz ichige alghanliqi bildürülgen. Melum bolushiche, amérika hökümiti xitayning Uyghurlarni basturushigha yardem bergen nurghun xitay shirketlirini “Qara tizimlik” ke alghan bolsimu, biraq hazirghiche xu'awéyning Uyghurlarni basturushta oynighan roli anche diqqet qozghimay kelgen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet