“Washin'gton pochtisi” géziti: “Xelq'ara jinayi ishlar sotining xitayni irqiy qirghinchiliq mesiliside tekshürmesliki zor exlaqiy meghlubiyet”

“Washington pochtisi” gézitide 28-dékabir élan qilin'ghan bir maqalide “Xelq'ara jinayi ishlar sotining xitayni Uyghur irqiy qirghinchiliq mesiliside tekshürmigenlikining zor exlaqiy meghlubiyet” ikenlikini bildürgen. Maqalide tekitklishiche, bu erzde “Xitayni xelq'ara jinayi ishlar sotining ezasi emes,” dégen sewebni körsetken xelq'ara jinayi ishlar soti ikki xil olchem qollan'ghan. Maqalide uning sewebi qarimaqqa yolluqtek körunsimu, biraq bash teptish bensodaning xitaygha körsetken iltipatni oxshashla xelq'ara jinayi ishlar sotining ezasi bolmighan amérikagha körsetmigenlikini bildürgen.

“Xelqara jinayi ishlar sotining xitayni irqiy qirghinchiliq mesiliside tekshürmesliki zor exlaqiy meghlubiyet” mawzuluq maqalide, uning amérikaning afghanistandiki herkiti, CIA ning yawropadiki türmilirige hujum qilghanliqi, amérika hökümiti afghanistandiki weqeni tekshürüp, bir qanche kishini jazalighan bolsimu, biraq bensodaning buni yéterlik, dep qarimighanliqini bildürgen. Maqalide tekitlishiche, amérikaning jazasini yiterlik, dep qarimighan bensoda, xitay sot mehkimilirining Uyghurlarni aktip basturiwatqanliqigha da'ir delillerge héchqandaq gepi yoqtek körünmekte iken.

“Sherqiy turkistan sürgün hökümiti” ilgiri xitayni xelq'ara jinayi ishlar sotigha erz qilghan. Biraq xelq'ara jinayi ishlar soti yéqinda xitayning uninggha eza emesliki, shunga delillerni tekshürüp éniqlashning mumkinchiliki yoqliqini bahane qilip, bu erzni tekshürmeslikni qarar qilghanliqini bildürgen idi. “Washin'gton pochtisi” diki maqalide amérikaning délosi 15 yil burunqi 80 dek qurban'gha munasiwetlik urush jinayitige alaqidar délo ikenliki, lékin xitayning bir milyondin artuq qurban'gha sistémiliq ten jazasi bérish, basqunchiliq qilish, mejburiy emgek, tughmas qilishek wehshilikler bilen eyibliniwatqanliqi tekitlinip, “Shek-shubhisizki, sotning Uyghur mesiliside özini qachurushi zor exlaqiy we mu'essesewi meghlubiyettur,” déyilgen.