Хәлқара кәчүрүм тәшкилати йәнә бир уйғур һәққидә қоюп беришни тәләп қилиш һәрикити башлиди

Мухбиримиз әркин
2020-05-22
Елхәт
Пикир
Share
Принт

Хәлқара кәчүрүм тәшкилати 22-май күни австралийәдики ата-анисиға пул салғанлиқи сәвәблик тутқун қилинған йәнә бир уйғур тутқуни һәққидә қоюп беришни тәләп қилиш һәрикити башлиди.

Бу мәзкур тәшкилатниң йеқинқи бир қанчә һәптә ичидә қоюп беришни тәләп қилиш һәрикити башлиған 4-уйғур тутқунидур. Мәзкур тәшкилатиниң чақириқида тәкитлишичә, бу қетим улар ғулҗадики аял тутқун маһирә яқупни қоюп беришни тәләп қилған. Маһирә яқуп ғулҗадики бир суғурта ширкитиниң хадими болуп, 2019-йили 3-айда тутқун қилинған.

Униң тутқун қилинишиға униң 2013-йили австралийәдики ата-анисиға уларниң өй сетивелиши үчүн пул селиши сәвәб болған. Хәлқара кәчүрүм тәшкилатиниң билдүрүшичә, маһирә яқуп бу йил 1-айда һаммиси гүлбәһрәм мәмтимин вә тағиси қасим тохти билән биргә «террорлуқ һәрикәтлиригә маддий ярдәм қилиш» билән әйиблинип сотланған. Униң һаммиси билән тағиси кепилгә қоюп берилгән болсиму, лекин маһирә яқупниң әһвали қаттиқ әндишә қозғимақта икән.

Мәзкур тәшкилат чақириқида кишиләрни или областлиқ тәптиш мәһкимисиниң муавин тәптиши хән җйелоңға хәт йезип, маһирә яқупни қоюп беришни, уларға қаритилған әйибләшни бикар қилишни, маһирә яқупниң аилиси билән учришиши, давалиниши, адвокат тәклип қилиши һәмдә өзиниң қийин-қистақ вә қопал муамилигә учримаслиқиға капаләтлик қилишни тәләп қилишқа чақирған. Хәлқара кәчүрүм тәшкилати буниң алдида шинҗаң университетитиниң сабиқ мудири ташполат тейип, шинҗаң ислам институтиниң оқутқучиси иминҗан сәйдин, «бағдаш» ториниң қурғучиси әкпәр әсәтни қоюп беришни тәләп қилиш һәркити башлиған иди.

Пикирләр (0)
Share
Толуқ бәт