Xelq'ara kechürüm teshkilati Uyghur kiyim modéli merdan ghapparning derhal qoyup bérilishini telep qildi

Muxbirimiz erkin
2020-08-21
Share

Xelq'ara kechürüm teshkilati jiddiy chaqiriqname élan qilip, xitayning da'irilirining Uyghur kiyim modéli merdan ghapparni derhal qoyup bérishini telep qildi.

Xelq'ara kechürüm teshkilatinining tekitlishiche, merdan ghappar derhal qoyup bérilishi yaki uning qanun'gha xilap birer herikiti bolsa xelq'arada birdek étirap qilin'ghan ölchemlerge asasen eyiplinishi kérek iken. Mezkur teshkilat 21-awghust élan qilghan chaqiriqida kishilerning kucha nahiyelik jama'et xewpsizliki idarisining bashliqi wang shyawminggha xet yézip, merdan ghapparning ehwalidin, uning ten jazasi yaki bashqa qopal mu'amililerge uchrishidin jiddiy endishe qiliwatqanliqini bildürüshi telep qilin'ghan.

Merdan ghappar bu yilning 1-ayda xitayning foshen shehiride tutqun qilinip, kuchagha élip kélin'gen. Yéqinda uning kuchadiki bir qamaqxanida süretke élin'ghan widéyosi chet'el taratqulirida élan qilinip, xelq'arada qattiq ghulghila qozghighan. Xitay hökümiti yéqinda uninggha "Sehiye xadimlirigha hujum qilghanliqi seweblik 'mejburlash tedbiri' qollinilghanliqi" ni ilgiri sürgen.

Xelq'ara kechürüm teshkilatining tekitlishiche, xitay hökümiti uni qoyup bérishtin burun uning qeyerde ikenliki, uning a'ilisi we özi talighan adwokati bilen körüshüshige yol qoyushi, uning ten jazasi we qopal mu'amilige uchrimasliqigha kapaletlik qilishi kérek iken. Xitayning 2017-yili bashlan'ghan chong tutqunida Uyghur jem'iyitining her qaysi saheliridiki serxiller asasliq yoqitish nishanlirining birige aylan'ghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet