Хәлқара сот уйғур қирғинчилиқиға аит техиму көп испатларни тәләп қилған

Мухбиримиз җүмә
2020-12-13
Share

Хәлқара җинайи ишлар соти хитайниң уйғур хәлқигә қаратқан ирқий қирғинчилиқ дәваси үстидин тәкшүрүшни башлашти илгири техиму көп испат тәләп қилған.

Әнглийәдин чиқидиған "һамий" гезитиниң хәвиригә қариғанда, хәлқара җинайи ишлар сотиниң юқириқи қарари бу дәвани сунған адвокатларға йәткүзүлгән вә уларға кәң көләмлик тәкшүрүшни капаләткә егә қилидиған дәлил-испатларниң техи йетәрлик әмәслики билдүрүлгән.

Хәвәрдә дейишичә, қошумчә дәлил-испатлар аллибурун хәлқара җинайи ишлар сот мәһкимисигә тапшурулған болуп, дәсләпки дәлил-испат топлаш ишлири корона вируси сәвәбидин кечиктүрүлгән.

6-Июл шәрқий түркистан сүргүн һөкүмити билән шәрқий түркистан миллий ойғиниш һәрикити бирликтә хәлқара җинайи ишлар сот мәһкимисигә хитай һөкүмитиниң уйғурларға ирқий қирғинчилиқ йүргүзүватқанлиқи вә инсанийәткә қарши җинайәт садир қиливатқанлиқи һәққидә әрз сунған иди.

Бу әрзни тутқан адвокатлар бу һәптә сот мәһкимисигә бәзи толуқлима материялларни тапшурған.

Хәлқара сот 14-декабирдин 16-декабирғичә голландийәниң гагада шәһиридә өткүзүлидиған чоң мәҗлиси ечилиштин бурун бу һәқтә қарар елан қилиши мумкин икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт