Xelq'ara sot Uyghur qirghinchiliqigha a'it téximu köp ispatlarni telep qilghan

Muxbirimiz jüme
2020-12-13
Share

Xelq'ara jinayi ishlar soti xitayning Uyghur xelqige qaratqan irqiy qirghinchiliq dewasi üstidin tekshürüshni bashlashti ilgiri téximu köp ispat telep qilghan.

En'gliyedin chiqidighan "Hamiy" gézitining xewirige qarighanda, xelq'ara jinayi ishlar sotining yuqiriqi qarari bu dewani sun'ghan adwokatlargha yetküzülgen we ulargha keng kölemlik tekshürüshni kapaletke ége qilidighan delil-ispatlarning téxi yéterlik emesliki bildürülgen.

Xewerde déyishiche, qoshumche delil-ispatlar alliburun xelq'ara jinayi ishlar sot mehkimisige tapshurulghan bolup, deslepki delil-ispat toplash ishliri korona wirusi sewebidin kéchiktürülgen.

6-Iyul sherqiy türkistan sürgün hökümiti bilen sherqiy türkistan milliy oyghinish herikiti birlikte xelq'ara jinayi ishlar sot mehkimisige xitay hökümitining Uyghurlargha irqiy qirghinchiliq yürgüzüwatqanliqi we insaniyetke qarshi jinayet sadir qiliwatqanliqi heqqide erz sun'ghan idi.

Bu erzni tutqan adwokatlar bu hepte sot mehkimisige bezi toluqlima matériyallarni tapshurghan.

Xelq'ara sot 14-dékabirdin 16-dékabirghiche gollandiyening gagada shehiride ötküzülidighan chong mejlisi échilishtin burun bu heqte qarar élan qilishi mumkin iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet