Xelq'ara jinayi ishlar soti Uyghurlarning irqiy qirghinchiliq erzini qobul qilishni ret qilghan

Muxbirimiz erkin
2020-12-14
Share

Xelq'ara jinayi ishlar sotining teptish emeldarliri Uyghurlarning xitay hökümiti üstidin sun'ghan Uyghurlargha qarita "Irqiy qirghinchiliq" we "Insaniyetke qarshi jinayet" sadir qilghanliqini tekshürüsh heqqidiki erzini qobul qilishni ret qilghan.

Firansiye agéntliqining xewer qilishiche, xelq'ara jinayi ishlar sotining bash teptish ishxanisi 14-dékabir erznamining qobul qilinmighanliqini bildürgen. "Sherqiy türkistan sürgündiki hökümiti" dep atalghan orun bu 7-ayda xelq'ara jinayi ishlar sotigha erz qilip, xitayning milyonlighan Uyghur we bashqa musulmanlarni jaza lagérlirigha qamighanliqi, ayallargha qarita mejburiy tughmas qilish élip barghanliqigha da'ir zor miqdarda delillerni sun'ghan.

Lékin firansiye agéntliqining yézishiche, teptish emeldari fatow bansodaning ishxanisi erzge qarita heriket qollanmighanliqi, "Chünki erzdiki qilmishlarning xitay zéminida yüz bergenliki", "Xitayning merkizi ga'agadiki xelq'ara jinayi ishlar sotigha imza qoyghan dölet emesliki" ni bildürgen. Bansodaning ishxanisi yilliq doklatida: "Erznamidiki köp qisim jinayet sotning hoquqini yürgüzüshidiki térritoriyelik aldinqi shertke chüshmeydighanliqi" ilgiri sürülgen.

Uningda qeyt qilinishiche, Uyghurlarning tajikistan we kambodzhadin xitaygha qayturulghanliqigha da'ir ayrim teleplermu "Bu erzini qobul qilishqa asas bolalmaydiken". Lékin, xelq'ara jinayi ishlar soti doklatida yene Uyghur erzdarlirining adwokatlirining sot mehkimisidin uning "Yéngi delil-ispatlar asasida qararini qayta oylishishi" ni telep qilghanliqini bildürgen. Xelq'ara jinayi ishlar sotining qarari xelq'arada xitayning Uyghurlargha tutqan mu'amilisi "Irqiy qirghinchiliq" dégen qarash barghanséri küchiyiwatqan bir waqitta chiqirilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet