I'ordaniyede xitay hökümitining Uyghurlargha qiliwatqan zulumigha qarshi namayish ötküzülgen

Muxbirimiz irade
2020-01-02
Share

I'ornidaniyede xitay hökümitining Uyghur musulmanlirigha qiliwatqan zulumigha qarshi namayish yüz bergen.

"Ottura sherq közetküchisi" gézitining xewer qilishiche, namayish seyshenbe küni, yeni yéngi yil harpisida paytext ammandiki xitay elchixanisi aldida ötküzülgen. Xewerdin melum bolushiche, bu namayishni "Islamiy heriket fironti" uyushturghan bolup, u "Musulman qérindashlar teshkilati" ning siyasiy qaniti bolup hésablinidiken. 

Namayishchilar xitay hökümitini Uyghur musulmanlirigha yürgüzüwatqan "Térrorluq" heriketlirini toxtitishqa chaqirghan. Namayishqa "Islamiy heriket fronti" ning re'isi murad el-ada'iléh we shundaqla i'ordaniye parlamént ezasi sa'ud abu-mahfuz ishtirak qilghan. 

"Islamiy heriket fronti" ning re'isi murad el-ada'iléh namayashta bergen bayanatida xitay hökümitining Uyghur élida yürgüzüwatqan siyasetlirini "Insaniyetke qarshi ishliniwatqan yirginishlik jinayet" dep teswirligen. U yene xelq'ara jem'iyetni derhal bu mesilige arilishishqa chaqirip, Uyghurlargha yürgüzüliwatqan qirghinchiliq we zorawanliqni toxtitishqa chaqirghan. Nechche onlighan namayishchi amma birdek sho'ar towlap, xitay hökümitining Uyghur musulmanlirigha qiliwatqan zulumini qattiq eyibligen. 

Yuqiriqi bu namayish xitay hökümiti 2017-yili Uyghur élida "Qayta terbiye" lagérlirini yolgha qoyup, 2 milyon etrapida kishini lagérgha solighan we Uyghurlarning milliy we dini en'enilirini yoq qilishni meqset qilghan siyasetlerni ijra qilghandin buyan islam elliride kötürülgen nahayiti az sandiki choqanlarning biri bolup hésablinidiken. Yéqinda hindonéziye we malaysiya qatarliq döletlerdiki bir qisim teshkilatlarmu keng kölemlik namayishlarni uyushturup, Uyghurlargha héssidashliqini ipadiligen idi. Islam döletliridiki amma arisidiki bu ijabiy özgirish chet'ellerdiki Uyghurlarni xursen qilmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet