S n n muxbiri met riwérs Uyghurlarning weziyitini "Yersharidiki eng zor kishilik hoquq mesilisining biri" dep teswirlidi

Muxbirimiz irade
2019-05-09
Élxet
Pikir
Share
Print

Amérikaning nopuzluq téléwiziye qanalliridin bolghan s n n ning muxbirliri yéqinda Uyghur élidiki yépiq terbiye lagérlirini tekshürüsh üchün Uyghur éligha barghan idi. Ular 7-may küni bu heqte tarqatqan xewiride 2017-yili qazaqistandin ili oblastining toli nahiyisige tughqan yoqlash üchün ketken péti iz-dériki bolmighan edibe isimlik ayalning lagérgha qamalghan bolushi mumkinlikini bildürgen we lagérlarning yiraqtin tartilghan körünüshlirini körsetken idi.

S n n téliwiziyesining 8-may bu heqte tarqatqan yene bir xewiride bayan qilinishiche, xitay da'iriliri s n n téléwiziyesining aldinqi künidiki xewirining xitaydiki téléwizorlarda körünüshige tosqunluq qilghan. Yeni, s n n ning xewer programmisi del mushu Uyghur élidiki lagérlar qismigha kelgende ékran tuyuqsizla qap-qarangghu bolup ketken. Xewer ötüp ketkendin kéyin andin ékran eslige keltürülgen. 

Mezkur xewerde s n n muxbiri met riwérs özining Uyghur élidiki ziyariti dawamida béshigha kelgen qiyinchiliqlarni téximu tepsiliy bayan qilghan. Riwérsning bayan qilishiche, u özining 6 künlük ziyariti dawamida az dégende 50 qétim pasport we wiza tekshürüshidin ötküzülgen. Negila barsa puqrache kiyin'gen saqchilar keynige kiriwalghan, herqandaq yerge yétip bérishtin burunla uni kütüp turghan saqchi we dölet kadirlirini körgen. Ular hetta yérim kéchide u chüshken méhmanxanigha kélip uning matériyallirini tekshürgen. 

Yuqiriqi s n n muxbiri sözide xitay da'irilirining muxbirlarning özliri yoshuruwatqan nersilerni körüp qalmasliqi üchün barliq amallarni ishqa salghanliqini bayan qilidu. U sözide "Xitay hökümiti dawamliq shinjang dégen hemmige ochuq jay, ziyaret qilsangla bolidu, deydu. Biraq emeliyet buning del eksi" dégen. U sözide yene Uyghur élidiki weziyetning hazir dunyadiki eng chong kishilik hoquq mesilisi ikenlikini, emma xitay hökümitining muxbirlargha qattiq tosqunluq qilghanliqtin dunyaning emeliyettin xewersiz qéliwatqanliqini eskertidu we "Biz biwasite shahit bolghandek, xitay buni pütün küchi bilen yoshuruwatidu" deydu.

Toluq bet