Әнгилийә вә германийәдин кейин франсийәму уйғур вәзийити һәққидики мәхпий һөҗҗәтләргә инкас қайтурди

Мухбиримиз шөһрәт һошур
2019-11-29
Елхәт
Пикир
Share
Принт

Хитайниң уйғур районидики йиғивелиш лагерлири һәққидики мәхпий һөҗҗәтлири ашкариланғандин кейин, өткән һәптә әнгилйә, 27-ноябир күни германийә уйғур вәзийити һәққидә позитсийә билдүрүп хитайни уйғур районидики лагерларни тақашқа чақирған иди. 28-Ноябир франсийә ташқий ишлар министири ле дрианму хитай тәрәпкә хитап қилип уйғур районидики коллектип тутқун қилиш вә назарәт астиға елиш һәркәтлиригә хатимә беришкә вә лагирни тақашқа дәвәт қилди.

У йәнә хитай тәрәпни б д т кишилик һоқуқ комиссийониниң башлиқи мишәл бачелет вә башқа алақидар мутәхәссисләрни уйғур районидики һәқиқий әһвални тәкшүрүшкә йол қоюшқа чақирди. «явропа хәвәрлири» гезитиниң 29-ноябирдики бу һәқтики хәвиридә дейилишичә, франсийәниң бу чақириқиға хитай тәрәптин инкас кечикмигән. Хитай ташқий ишлар министерлиқиниң баянатчиси гең шуаң бүгүнки җавабида қайсий дөләт болса болсун, уларниң хитайниң ичкий ишлириға арилишишиға қәтий қарши туридиғаннлиқини тәкитлигән.

Пикирләр (0)
Share
Толуқ бәт