Dunyawi quyash énérgiye qurulushi Uyghurlar mesilisi tüpeylidin "Miq" qa üsmekte

Muxbirimiz eziz
2020-12-23
Share

Yéqinqi yillardin buyan "Yéngi énérgiye inqilabining gül taji" dep teripliniwatqan quyash énérgiyesi barghanséri dunya miqyasida köplep omumlishiwatqan bolup, yéqinda bu yéngi yüzlinish Uyghurlar mesilisi tüpeylidin köpligen talash-tartishqa duch kelmekte iken.

23-Dékabir küni amérikidiki eng chong soda shirketlirining biri bolghan "S&P Dunyasi" shirkitining tor bétide élan qilin'ghan xewerde éytilishiche, nöwette dunya mqyasida quyash énérgiyesi taxtisi yasashqa ishlitiliwatqan polislikon (köktash) tashlirining üchtin biri ‍uyghur diyaridin chiqidiken. Mezkur sahening dunyawi mutexessisliridin bolghan proféssor richard winigard "Shinjangdiki polisilikon tashlirining muhimliqi yéqin kelgüside téximu zor derijide bilinidu" dégen. Emma ‍uyghur diyaridiki barghanséri yuqiri pellige chiqiwatqan siyasiy basturush we tashqi dunya "Qirghinchiliq" dep atawatqan paji'eler heqqidiki xewerler nöwette Uyghur diyaridin chiqidighan bu tashlarning éksport qilinishini zor cheklimige uchratmaqtiken.

Xewerde éytilishiche, mezkur tash qurulushida we uning bashqa halqilirida mejburiy emgekning mewjutluqi tekitliniwatqan bolup, xitaydiki mejburiy emgek mehsulatlirini chégradin ötküzmeslik chuqanliri nöwette bu sahening ékisportigha éghir zerbe bolghan. Bolupmu dunya polisilikon bazirining üchtin ikkisini igilep turuwatqan xitay shirketliri bu tüpeylidin keskin tenqidlerge duch kelgen. Shu qatarda 2011-yili Uyghur diyarida ish bashlighan hemde eng chong polisilikon tash mehsulati chiqarghuchi bolghan dachaw énérgiye shirkiti bingtu'en qarmiqidiki shirketlerning biri qatarida amérika hökümiti élan qilghan "Qara tizimlik" tin orun alghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet