"вашингтон почтиси" гезитидә хитайни "хәтәрлик йилан" ға охшатқан мақалә елан қилинди

Мухбиримиз ирадә
2021-04-15
Share

"вашингтон почтиси" гезитидә "хитай хәлқара олимпик комитети вә олимпик қоллиғучилирини өз пуқраларни башқуруш усули арқилиқ, йәни қорқутуш арқилиқ контирол қилвалди" мавузлуқ бир обзор елан қилинди.

Мәзкур обзорни "вашингтон почтси" гезитиниң тонулған тәнтәрбийә хәвәрлири обзорчиси сәллий җәнкинс язған. У өзгичә услуб билән олимпик комитети вә олимпик мусабиқисиниң қоллиғучи ширкәтлири болған кокакола қатарлиқ ширкәтләрниң хитайниң уйғурларға қаритиватқан ирқий қирғинчилиқиға сүкүт қилғанлиқини әйиблигән.

У мақалисда даңлиқ асия алими перрий линкниң илгири хитай һәққидә язған һәққидә бир мақалисда хитайни "шамдандики анаконда йилини" дәп тәсвирлигәнликини әслитип туруп, "бу охшитиш хитайниң сиясәтлиригә толиму бап келиду," дегән.

Апторниң баян қилишичә асия мутәхәссси перрий линк хитайни мундақ тәсвирлигән икән: "хитайниң бесими дәсләптә наһайити кичик. Сиз сода, дипломатийә яки олимпик мәсилилиридә мунасивәт орнитиш мәқситидә хитай билән кичик, әмма мурәссә қилинған келишим түзисиз. Әмма өйниң ичигә киргиниңиздә, наһайити йоған бир боғма йиланниң уни рәнҗитип қойсиңиз. Сиз яки содиңизни боғуп өлтүрүш үчүн бешиңизда айлинип йүргәнликини байқайсиз дә, кешәнләнгәндәк һәрикәт қилишқа мәҗбур болисиз."

Аптор мақалисдә бейҗиң билән мунасивәт орнатқан дөләтләр, органлар вә хәлқаралиқ ширкәтләрниң һәммисини мана мушундақ қорқунч чирмивалғанлиқини билдүрүп мундақ дегән:

"илгири хитай өз пуқралириға сақчилиқ қилип, уларни қорқутуп тәһдит салған, нәтиҗидә пуқралири өз-өзини чәкләйдиған, паләч һалға чүшүп қалған. Әмма йеқиндин буян мән бу семиз вә мәвһум тәһдитниң пүткүл ғәрб дунясини тезгинливалғанлиқини һес қилдим. Хитай билән мунасивәт орнатқанларниң һәммиси бу йиланни қозғитип қоюштин әнсирәп мускуллирини һәрикәт қилдуруштин қорқуп, бешини ичигә тиқивалғандәк қилиду. Хәлқара олимпик комитети вә униң шериклири шинҗаңдики уйғурлар соланған лагерлардики қуллуқ, қийнаш вә басқунчилиққа шерик болғудәк дәриҗидә сүкүт вә тәдбирсизлик ичидә. Улар бу йиланниң хәтәрлик таҗавузчилиқ һуҗуминиң ишикимиз алдида йүз бериши үчүн йол ечип бериватиду."

Аптор сәллий җәнкинс мақалисида хәлқара олимпик комитетиниң хитайниң уйғурларға қиливатқан ирқий қирғинчилиқини көрмәскә селип, олимпикни бойқут қилмиғанни аз дәп, олимпик хизмәтчилири вә тәнһәрикәтчилири кийидиған кийим үчүн уйғурларниң мәҗбурий әмгикигә четишлиқ хитай ширкити билән тохтамлашқанлиқини, кокакола ширкитиниң олимпикни қоллашни давамлаштурғанлиқини тәнқид қилған.

У мақалиси ахирида олимпик тәнһәрикәтчилирини "йиланлиқ өй" гә әвәтишниң зор хаталиқ болидиғанлиқини әскәртип, дуняниң әмди бу қорқунчтин қутулидиған вақти кәлди, дегән.

Сәллий җәнкинс мундақ дегән: "хитайни һечқандақ нәрсә өзгәртәлмәйду. Әмма олимпик медал санида үстүнлүкни игилигән ғәрб әллири иттипақи вә ширкәтләрниң хәлқара олимпик комитетини бейҗиңдин чекинишкә мәҗбурлашқа йетәрлик вақти бар. Улар хәлқара олимпик комитетиниң мустәбит һакимийәт билән болған мунасивитини бузуп ташлап, канадада қишлиқ тәнһәрикәт мусабиқисини тәшкиллиши керәк. Бундақ қилғанлиқ һәргизму мәсулийәтсизлик қилғанлиқ әмәс, бәлки өзини қайтидин тонуғанлиқ вә өз тәқдирини өзи бәлгиләштур."

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт