"Washin'gton pochtisi" gézitide xitayni "Xeterlik yilan" gha oxshatqan maqale élan qilindi

Muxbirimiz irade
2021-04-15
Share

"Washin'gton pochtisi" gézitide "Xitay xelq'ara olimpik komitéti we olimpik qollighuchilirini öz puqralarni bashqurush usuli arqiliq, yeni qorqutush arqiliq kontirol qilwaldi" mawuzluq bir obzor élan qilindi.

Mezkur obzorni "Washin'gton pochtsi" gézitining tonulghan tenterbiye xewerliri obzorchisi selliy jenkins yazghan. U özgiche uslub bilen olimpik komitéti we olimpik musabiqisining qollighuchi shirketliri bolghan kokakola qatarliq shirketlerning xitayning Uyghurlargha qaritiwatqan irqiy qirghinchiliqigha süküt qilghanliqini eyibligen.

U maqalisda dangliq asiya alimi pérriy linkning ilgiri xitay heqqide yazghan heqqide bir maqalisda xitayni "Shamdandiki anakonda yilini" dep teswirligenlikini eslitip turup, "Bu oxshitish xitayning siyasetlirige tolimu bap kélidu," dégen.

Aptorning bayan qilishiche asiya mutexesssi pérriy link xitayni mundaq teswirligen iken: "Xitayning bésimi deslepte nahayiti kichik. Siz soda, diplomatiye yaki olimpik mesililiride munasiwet ornitish meqsitide xitay bilen kichik, emma muresse qilin'ghan kélishim tüzisiz. Emma öyning ichige kirginingizde, nahayiti yoghan bir boghma yilanning uni renjitip qoysingiz. Siz yaki sodingizni boghup öltürüsh üchün béshingizda aylinip yürgenlikini bayqaysiz de, késhenlen'gendek heriket qilishqa mejbur bolisiz."

Aptor maqalisde béyjing bilen munasiwet ornatqan döletler, organlar we xelq'araliq shirketlerning hemmisini mana mushundaq qorqunch chirmiwalghanliqini bildürüp mundaq dégen:

"Ilgiri xitay öz puqralirigha saqchiliq qilip, ularni qorqutup tehdit salghan, netijide puqraliri öz-özini chekleydighan, palech halgha chüshüp qalghan. Emma yéqindin buyan men bu sémiz we mewhum tehditning pütkül gherb dunyasini tézginliwalghanliqini hés qildim. Xitay bilen munasiwet ornatqanlarning hemmisi bu yilanni qozghitip qoyushtin ensirep muskullirini heriket qildurushtin qorqup, béshini ichige tiqiwalghandek qilidu. Xelq'ara olimpik komitéti we uning shérikliri shinjangdiki Uyghurlar solan'ghan lagérlardiki qulluq, qiynash we basqunchiliqqa shérik bolghudek derijide süküt we tedbirsizlik ichide. Ular bu yilanning xeterlik tajawuzchiliq hujumining ishikimiz aldida yüz bérishi üchün yol échip bériwatidu."

Aptor selliy jenkins maqalisida xelq'ara olimpik komitétining xitayning Uyghurlargha qiliwatqan irqiy qirghinchiliqini körmeske sélip, olimpikni boyqut qilmighanni az dep, olimpik xizmetchiliri we tenheriketchiliri kiyidighan kiyim üchün Uyghurlarning mejburiy emgikige chétishliq xitay shirkiti bilen toxtamlashqanliqini, kokakola shirkitining olimpikni qollashni dawamlashturghanliqini tenqid qilghan.

U maqalisi axirida olimpik tenheriketchilirini "Yilanliq öy" ge ewetishning zor xataliq bolidighanliqini eskertip, dunyaning emdi bu qorqunchtin qutulidighan waqti keldi, dégen.

Selliy jenkins mundaq dégen: "Xitayni héchqandaq nerse özgertelmeydu. Emma olimpik médal sanida üstünlükni igiligen gherb elliri ittipaqi we shirketlerning xelq'ara olimpik komitétini béyjingdin chékinishke mejburlashqa yéterlik waqti bar. Ular xelq'ara olimpik komitétining mustebit hakimiyet bilen bolghan munasiwitini buzup tashlap, kanadada qishliq tenheriket musabiqisini teshkillishi kérek. Bundaq qilghanliq hergizmu mes'uliyetsizlik qilghanliq emes, belki özini qaytidin tonughanliq we öz teqdirini özi belgileshtur."

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet