Xitay en'giliye uniwérsitétlirida pikir we akadémiye erkinlikini cheklesh üchün heriket qilghan

Muxbirimiz irade
2019-11-07
Élxet
Pikir
Share
Print

Xitay hökümitining en'giliyediki uniwérsitétlarning akadémiye we pikir erkinlikige zor tesir körsitiwatqanliqi melum bolmaqta.

En'giliyede chiqidighan "Muhapizetchi" gézitining xewer qilishiche, yéqinda en'giliyening tashqiy ishlar komitéti bu heqte mexsus bir doklat teyyarlap, xitay hökümitining en'giliyede turushluq elchixanisi arqiliq en'giliyediki uniwérsititlarda tesir körsitish herikiti yürgüzgenliki heqqide jiddiy ispatlar barliqini bildürgen. 

Ular yene xitay elchixanisi bilen herqaysi uniwérsitétlardiki kungzi inistitutliri we shundaqla xitay oqughuchilar uyushmisi yaki xitay tetqiqatchilar uyushmisi qatarliqlarni siyasiy qoral süpitide qollinip, en'giliye uniwérsitétlirida teywen mesilisi qatarliq sezgür témilarning munazire qilinishi we shundaqla xitay hökümitige qarshi pikirlerning otturigha chiqishining aldini alghan. 

Melum bolushiche, yuqiriqi organning doklatida yene xitay hökümitining yuqiriqi organliri arqiliq en'giliyediki uniwérsitétta oquydighan ayshigül nur'ibrahim isimlik Uyghur qizni nazaretke alghanliqi we uning yurtidiki a'ilisige bésim ishletkenlikimu tilgha élin'ghan. 

En'giliye tashqiy ishlar komitétining doklatida eskertilishiche, "En'gliye hökümiti gerche uniwérsitétlarni eqliy mülük oghriliqidin qoghdashqa küch chiqarghan bolsimu, biraq bu akadémiye erkinlikini iqtisadiy, siyasiy we déplomatik bésimlar arqiliq qiliniwatqan tesir körsitish herikitidin qoghdap qélishqa yetmigen". 

Yuqiriqi organ doklatida eskertip "Uniwérsitétlarning oqughuchi qobul qilip pul tépish we tijaret kélishimliri bedilige en'giliyege we shundaqla dunyagha erkinlik we bayashatliq élip kelgen xelq'araliq ölchemlerni bir chetke qayrip qoysa bolmaydu," dégen. 

Xewerde éytilishiche, yuqiriqi bu "Tashqi ishlar komitéti" yene en'giliyening tashqiy ishlar ministirliqidin némishqa hazirghiche xitay hökümitining xongkong we Uyghur élida yürgüziwatqan bésim siyasetlirige qarshi jaza tedbirliri almighanliqi heqqide chüshenche bérishni telep qilghan.

Toluq bet