Washin'gton pochtisi géziti: “Shi jinping ishench krizisigha duch kelmekte”

Muxbirimiz erkin
2019.08.05
Share on WhatsApp
Share on WhatsApp

3‏-Awghust küni “Washin'gton pochtisi” gézitide élan qilin'ghan bir maqalide, xitay re'isi shi jinpingning özige bolghan ishench krizisigha we köp tereplimilik xirisqa duch kéliwatqanliqi ilgiri sürülgen. Mezkur maqale “Washin'gton pochtisi” gézitining béyjingda turushluq ishxanisining mes'uli anna fifild teripidin qelemge élin'ghan. Anna fifildning “Üstünlük we gumanxorluq: xitayning shi jinpingi ishench krizisigha duch kelmekte” serlewhilik maqaliside ilgiri sürülüshiche, nöwette shi jinping xitayning iqtisadi tereqqiyati astilash mesilisige duch kélipla qalmay, amérika bilen bolghan soda urushi, Uyghur mesiliside 3 milyondek kishining “Qayta-terbiyelesh lagérliri” gha qamilishigha qarita gherbning künséri küchiyiwatqan tenqidi, shundaqla teywen mesilisi we xongkongda partlighan démokratiye herikitige taqabil turush mesilisige duch kelmektiken. Maqalide, “Bularning hemmisining partiye bash sékrétari bolghan shi jinpingning hoquqigha tehdit peyda qiliwatqanliqi” we shundaqla “Izchil tashqi tehditlerdin endishe qilip kéliwatqan partiyining ichide jiddiychilik yaratqanliqi” tekitlen'gen.

Maqalide ilgiri sürülüshiche, shi jinping bu tehditlerge qarshi partiye ichidiki pozitsiyisini qattiqlashturghan.

Maqalide, mutexessislerning shi jinpingning bu xil urunushini uningdiki ishenchsizlik tuyghusi peyda qilghan, dep qaraydighanliqi bildürülgen. Maqalide, amérika brukingis institutidiki jonatan polak, jéfréy baydén qatarliq mutexessislerning “Kompartiyening xitay ichide, bolupmu shinjangdek rayonda basturushni izchil kücheytishi”, “Uningdiki endishe we ensizlikni ipadileydu. Bu hergiz yershari we rayon xaraktérlik lidérlikni talishiwatqan, özige ishenchi bar bir xitayni namayan qilmaydu” dep körsetkenliki otturigha qoyulghan. Maqalide qeyt qilinishiche, kompartiye rehberliridiki bu xil ensizlik, ularning tramp hökümiti élan qilghan soda urushini noqul iqtisadiy mesile, dep qarimay, uni xitayni kontrol qilishni meqset qilghan istratégiyilik urunush, dep qarishigha seweb bolmaqtiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.