“Washin'gton pochtisi” géziti: “Shi jinping özige xas hakimmutleqliq bilen xitayni boghmaqta”

Muxbirimiz irade
2019.11.07
Share on WhatsApp
Share on WhatsApp

 

6-Noyabir küni “Washin'gton pochtisi” gézitide “Shi jinpingning özige xas hakimmutleqliq arqiliq xitayni boghushi” mawzuluq bir parche maqale élan qilindi.


Amérikadiki dangliq xitay ishliri mutexessisi, yazghuchi jon pomfért teripidin élan qilin'ghan maqalide shi jinping xitayda hakimiyet béshigha kelgendin buyan mutleq kontrolni ishqa ashurush üchün ijtima'iy hoquqlargha üzlüksiz zerbe bergenliki bayan qilin'ghan.

Maqalide mundaq déyilgen: “Shi jinping dölet miqyasida bir milyondin oshuq kadir-emeldarni we özining siyasiy reqiblirini ‛chiriklikke qarshi turush‚ nami astida yighishturdi, uning hakimiyiti eng heriketchan rayon bolghan shinjangni qattiq basturdi. U bu rayonda bir milyondin oshuq Uyghurni yighiwélish lagérlirigha qamighanliqi üchün héchqandaq jazagha tartilmidi.” 

Aptor jon pomfért yene maqaliside xitayning hazirqi tereqqiyatining hergizmu kompartiyening netijisi emeslikini tekitlep, eksiche uning xitay xelqining téximu yaxshi yashashtek arzulirigha palta chépiwatqanliqini, uning akadémiye, axbarat, qanun we bashqa sahelerni basturupla qalmay, belki iqtisad we qanun sahelirinimu kontrol qilishqa ötkenlikini bayan qilghan. U maqaliside xongkong we Uyghur rayonini nöwette xitay hökümiti üchün zor riqabet teshkil qiliwatqan ikki rayon, dep körsetken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.