Xitayning jyangsu ölkiside bir ximiye zawuti partlap kétip az dégende 62 adem ölgen

Muxbirimiz erkin
2019-03-22
Élxet
Pikir
Share
Print

21‏-Mart küni xitayning jyangsu ölkisi yenching shehiride bir ximiye zawuti partlap kétip, 62 adem ölgen, 600 adem yarilan'ghan.

"Nyu-york waqti géziti" ning xewer qilishiche, 22‏-mart küni saqchilar mezkur zawutning bezi xadimlirini tutqun qilghan. Xitay yer tewreshning közitish idarisi partlashning 2.2 Bal tewresh peyda qilghanliqini bildürgen.

"Nyu-york waqti géziti" ning xewiride tekitlinishiche, partlashta zeherlik maddilarning hawa we sugha ariliship ketken bolushi mumkinliki endishe yaratqan iken. Weqede 90 dek ademning yarilan'ghanliqi, yaridarlarning ichide zawutning bash diréktorining barliqi ilgiri sürülmekte.

"Nyu-york waqti géziti" ning qeyt qilishiche, yenching hökümet da'iriliri 22‏-mart küni bezi shirket xadimlirining tutqun qilin'ghanliqini bildürgen, lékin tutqunlarning sanini élan qilmighan. Nöwette partlashqa némining seweb bolghanliqi melum emes. Bir ishchining xitaydiki "Maliye xewerliri" gézitige tekitlishiche, partlashni tebi'iy gaz toshuydighan bir may bak aptomobiligha ot kétip, otning etrapidiki bénzin ambarlirigha tutushup kétishi keltürüp chiqarghan bolushi mumkin iken.

Mezkur zawut asasliqi hasharat dorisi ishlepchiqiridighan karxana bolup, 2007‏-yili qurulghan iken. Xitay taratqulirining ilgiri sürüshiche, xitayning ishlepchiqirish bixeterlikini saqlash tarmaqliri ötken yili mezkur zawutta élip barghan tekshürüshide 13 xil bixeterlik mesilisi bar, dep békitken iken. Mezkur partlash xitayda yéqinqi 4 yildin béri yüz bergen eng qattiq partlash weqelirining biri iken. Xitayda 2015‏-yili tyenjindiki bir iskilatta yüz bergen partlashta 173 adem ölgen idi.

Toluq bet