Xitay da'iriliri nöwette "Dunya shinjangliqlar qurultiyi" échish pikirini algha sürmekte

Muxbirimiz irade
2019-01-17
Élxet
Pikir
Share
Print

Junggo xewerler torining xewiridin melum bolushiche, Uyghur aptonom rayonluq siyasiy kéngeshning komitétining yéqinda échilghan bir iqtisadiy xizmetler yighinida Uyghur aptonom rayonluq hökümet mexsus meblegh ajritip "Dunya shinjangliqlar qurultiyi" qurush heqqidiki teklip layihesi otturigha qoyulghan.

Xewerde éytilishiche, yuqiriqi bu teklip layiheside "Dunya shinjangliqlar qurultiyi" arqiliq shinjangliqlarning öz yurti üchün töhpe qoshushi we bu arqiliq shinjangning iqtisadiy tereqqiyatigha türtke bolghili bolidighanliqi ilgiri sürülgen.

Teklip layiheside yene dunyaning herqaysi jaylirida oqush we xizmet qatarliq sewebler bilen yashawatqan nechche yüz ming "Shinjangliqlar" barliqi tilgha élin'ghan. Chet'ellerde hersahe we her xil kesiplerde oquwatqan yaki xizmet qiliwatqan "Shinjangliqlar" ni "Dunya shinjangliqlar qurultiyi" arqiliq bir yerge jem qilishning muhim roli barliqini, buning xelq'arada shinjangni namayan qilidighan yaxshi bir munber bolidighanliqi ilgiri sürülgen.

Yuqiriqi bu xewer chet'ellerdiki Uyghur közetküchilerning küchlük diqqitini qozghidi. Ularning qarishiche, xitay hökümiti Uyghur élide Uyghurlarni asas qilghan ikki milyondin oshuq yerlik xelqlerni lagérgha qamighanliqi xelq'arada ashkarilan'ghandin kéyin emdilikte atalmish "Dunya shinjangliqlar qurultiyi" échish arqiliq yéngi bir teshwiqat oyuni oynap, xelq'arani qaymuqturushni meqset qilmaqtiken. Yene bezi közetküchiler bolsa buni chet'ellerdiki Uyghurlarning eng chong teshkilati bolghan "Dunya Uyghur qurultiyi" gha qarshi qurulidighan teshwiqat munbiri bolushi mumkin dep körsetti.

Toluq bet