Хитай йеза - игилик банкиси нйо - йорктики банка башқурғучиларға 250 милюн доллар җаза төләми төләйдиғанлиқини билдүргән

Мухбиримиз җүмә
2016-11-06
Share

Хитай йеза - игилик банкиси 4 - ноябир күни нйо - йорктики банка башқурғучиларға 250 милюн америка доллири җаза төләми төләйдиғанлиқини елан қилған.

Мәлумки, йеза - игилик банкиси хитайдики әң чоң банкиларниң бири болуп, йеқинда нйо - йорктики банка башқурғучи орган хитай йеза игилик банкисини пул ююшқа қарши қанунға хилаплиқ қилған, дәп сотқа әрз қилған. Буниң билән җүмә күни хитай йеза - игилик банкиси баянат елан қилип, 250 милюн долларлиқ җаза төләмини төләшкә қошулидиғанлиқини билдүргән.

Америка малийә мулазимитиниң нйо - йорк шөбиси йеқинда хитай йеза - игилик банкисиниң йошурунчә пул ююш елип берип америкиниң пул ююшни чәкләш қануниға хилаплиқ қилғанлиқини байқиған.

Игилинишичә, хитай йеза - игилик банкиси бу сәтчиликниң хәлқарада зор ғулғула қозғишиниң алдини елиш үчүн дәрһал инкас қайтуруп, җаза төләмини төләйдиғанлиқини билдүргән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт