Xitay yéza - igilik bankisi nyo - yorktiki banka bashqurghuchilargha 250 milyun dollar jaza tölemi töleydighanliqini bildürgen

Xitay yéza - igilik bankisi 4 - noyabir küni nyo - yorktiki banka bashqurghuchilargha 250 milyun amérika dolliri jaza tölemi töleydighanliqini élan qilghan.

Melumki, yéza - igilik bankisi xitaydiki eng chong bankilarning biri bolup, yéqinda nyo - yorktiki banka bashqurghuchi organ xitay yéza igilik bankisini pul yuyushqa qarshi qanun'gha xilapliq qilghan, dep sotqa erz qilghan. Buning bilen jüme küni xitay yéza - igilik bankisi bayanat élan qilip, 250 milyun dollarliq jaza tölemini töleshke qoshulidighanliqini bildürgen.

Amérika maliye mulazimitining nyo - york shöbisi yéqinda xitay yéza - igilik bankisining yoshurunche pul yuyush élip bérip amérikining pul yuyushni cheklesh qanunigha xilapliq qilghanliqini bayqighan.

Igilinishiche, xitay yéza - igilik bankisi bu setchilikning xelq'arada zor ghulghula qozghishining aldini élish üchün derhal inkas qayturup, jaza tölemini töleydighanliqini bildürgen.