Ataqliq xitay adwokat "Hakimiyetni aghdurushqa qutratquluq qilish" bilen tutup turulghan

Muxbirimiz erkin
2016-12-23
Share

Ataqliq xitay adwokat jyang tyenyung "Hakimiyetni aghdurushqa qutratquluq qilish" bilen eyiblinip tutup turulghan. Jyang tyenyung bu yil 11‏-ayda changshada iz ‏-déreksiz ghayib bolghandin kéyin, xitay hökümiti yéqinda uning changshadiki bir orunda nezerbend qilin'ghanliqini bildürgen idi.

Roytérs agéntliqining jüme küni bildürüshiche, jyang tyenyungning adwokati chin chéngshu, bu, da'irilerning jyang tyenyungni resmiy eyiblishige yol échip béridighanliqini bildürgen. Xitay "Qanun géziti" ötken hepte maqale élan qilip, jyang tyenyungning yénidin dölet mexpiyetlikige a'it matériyallar tépilghanliqini, u, bu matériyallarni chet'elge ewetmekchi, dep guman qilini'iwatqanliqini bildürgen.

Lékin jyang tyenyungning adwokati jüme küni roytérs agéntliqigha bergen bayanatida, sotning héchqandaq hökümi yoq turup, uning bundaq eyiblinishi binormal ehwal dégen. Jyang tyenyung ilgiri nurghun kishilik hoquq délolirining adwokatliqini üstige alghan idi.

U yene, Uyghur öktichi ziyaliysi ilham toxtining ömürlük qamaq jazasigha höküm qilinishi, xitayning "5‏-Iyul weqesi"de alahide sot mehkimilirini qurup, namayishqa qatnashqan Uyghurlarni keng kölemlik sotlishi, ammiwi sot échip jazalishi qatarliqlarni "Qanunsizliq" dep eyibligen.

B d t ning namratliq we kishilik hoquq mesililirini tekshürüsh emeldari filip alston bu ayning bashlirida uninggha ghayib bolushining öch élish herikiti ikenlikidin endishe qilidighanliqini bildürgen. U, bu yil 8‏-ayda xitayda tekshürüsh élip barghanda uning bilen körüshken idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet