Xitay amérika muxbirlirigha qarshi wiza cheklimisi yolgha qoyghan

Muxbirimiz jüme
2020-09-06
Élxet
Pikir
Share
Print

Xitayning amérika muxbirlirigha qarishi yéngi wiza cheklimisi yolgha qoyghanliqi melum. S n n téléwiziyisining xewer qilishiche, xitay da'iriliri ötken heptidin bashlap amérikining xitayda turushluq axbarat organlirida ishleydighan chet'el puqralirining wiza we muxbirliq salahiyet guwahnamisini yéngilashni qéyinlashturulghan.

Xewerge qarighanda, wiza we muxbirliq salahiyet guwahnamisini yéngilash iltimasi sun'ghan muxbirlarning bezilirige yéngi guwahname tarqitip bérishning ornigha "Iltimasingiz körüwatidu" dégen xetler yézilghan bir parche höjjet tapshurulghan we ularning bu höjjetni pasporti bilen élip yürüsh jékilen'gen. Bezilirining bir yilliq wiza möhliti 1 aygha töwenlitilgen.

Uningdin bashqa xitay da'iriliri yene bu waqitliq wiza we waqitliq muxbirliq salahiyet guwahnamelerning her zaman bikar qilinish éhtimali barliqinimu bildürgen.

Bularning arisida s n n téléwiziyiside ishleydighan amérika puqrasi dawid kulber isimlik bir muxbirmu bar iken. Bu nöwet nishan qilin'ghan muxbirlar arisida amérika puqralirimu we "Wal strét zhurnili" qatarliq nopuzluq amérika axbarat organliri üchün ishleydighan chet'el puqralirimu bar iken.

Bu yilning béshida xitay da'iriliri yene "Washin'gton pochtisi", "Wal strét zhurnili" we "Nyuyork waqt géziti" qatar axbarat organlirining xitayda turushluq 9 neper munbirini xitaydin qoghlap chiqarghan.

Bularning arisida xitayning Uyghur rayonidiki saqchi döliti we teqib sistimési heqqide programma ishligen josh chin qatarliqlarmu bar idi.

Xitayning bu qétimqi wiza cheklimisi toghrisida toxtalghan amérika tashqi ishlar ministirliqining sherqiy asiya we tinch okyan ishlirigha mes'ul tashqi ishlar ministiri yardemchisi dawid stilwell, uning öch élish xaraktéri barliqini éytqan.

U mundaq dégen: "Bu yerde 150 din artuq xitay diplomati bar. Xitay teshwiqat ministirlikige ishleydighan axbarat xadimliri amérikida héch qandaq cheklimisiz halda meshghulat qilmaqta. Hazir xitay peqet bir nechchila amérika muxbirliri qaldi."

Toluq bet