Rik grénél: xitay amérika üchün rosiyedinmu chong tehdit

Muxbirimiz irade
2020-12-23
Share

Amérika döletlik istixbarat idarisining sabiq muweqqet diréktori rik grénél xitayni amérika üchün rosiyedinmu chong tehdit, dep körsetken. Foks téliwiziyesining 23-dékabir xewer qilishiche, u bu téliwiziyening ziyaritini qobul qilghanda mundaq dégen: "Xitay rosiyege qarighanda téximu chong tehdit, chünki ular amérikadiki soda, ilim-pen we amma üchün bir kirizisqa aylandi."

Rik grénél sözide yene "Bu dégenlik rosiyeni mesile dep qarashning hajiti yoq, dégenlik emes. Ularmu bir mesile. Ular xakkérliq hujumliri we biz teshwiqat dep ataydighan xata uchurlarning jawabkari" dégen. U amérikada amma dawamliq halda rosiye heqqide agahlandurulup kelgen bolsimu, biraq xitay toghrisida amérikaliqlarning qaymuqturulghanliqini éytqan.

U mundaq dégen: "Amérikada uzundin buyan ammigha xitay bilen bolghan alaqimiz ünüm bériwatidu, déyildi. Mesile mana bu yerde. Netijide amérikaliqlar xitaydin kélidighan tehdit mesilisde boshiship uninggha sel qaridi. . . Xitay b d t da bizni kontrol qiliwaldi, ular xewpsizlik kéngishining da'imiy ezasi, emma ular tereqqiy qiliwatqan döletler bilen birliship b d t tereqqiy qiliwatqan döletlerge pul béridighan bir siyasetni tüzdi, uninggha özi rehberlik qildi. Qarisingiz bu siyasettin eng chong paydini alidighanlar yene shular özi. Emeliyette biz özimiz ularning amérika ammisini we xelq'ara jem'iyetni aldam xaltisigha chüshürüshige yol qoyduq."

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet