خىتاي ئامېرىكىنىڭ بومبا قالقان سىستېمىسىدىن ئەندىشە قىلىدىكەن
2016.02.13
ب ب س نىڭ خەۋەر قىلىشىچە، خىتاي تاشقى ئىشلار مىنىستىرى ئامېرىكا جەنۇبىي كورېيەنى شىمالىي كورېيەدىن قوغداش ئۈچۈن كورېيە يېرىم ئارىلىغا ئورنىتىدىغان باشقۇرۇلىدىغان بومبا قالقان سىستېمىسىنىڭ خىتايغا تەھدىت ئېلىپ كېلىدىغانلىقىنى بىلدۈرگەن.
شىمالىي كورېيە ئۆتكەن يەكشەنبە كۈنى بىر ئۇزاق مۇساپىلىك راكېتانى سىناق قىلغاندىن كېيىن، ئامېرىكا ۋە جەنۇبىي كورېيە دائىرىلىرى جەنۇبىي كورېيەگە باشقۇرۇلىدىغان بومبا قالقان سىستېمىسى ئورنىتىش پىلانىنى ئاشكارىلىغان.
ئامېرىكا دۆلەت مۇداپىئە باياناتچىسى پېتىر كۇك بۇ خۇسۇسىدا پات ئارىدا سۆھبەت باشلىنىدىغانلىقىنى بىلدۈرگەن.
خەۋەردە كۆرسىتىشچە، بۇ ھەقتە توختالغان مىنىستىر ۋاڭ يى مۇنداق دېگەن: «بۇ سىستېما كورېيە يېرىم ئارىلىنىڭ ئېھتىياجىدىن بەكلا ھالقىپ كېتىشى مۇمكىن.»
ئۇ يەنە مۇنداق دېگەن: «بۇ خىتاينىڭ ئىستراتېگىيەلىك خەۋپسىزلىك مەنپەئەتلىرىگە بىۋاسىتە تەسىر كۆرسىتىپلا قالماي، باشقا ئاسىيا ئەللىرىگىمۇ تەسىر كۆرسىتىدۇ.»
مەزكۇر باشقۇرۇلىدىغان بومبا قالقان سىستېمىسىنىڭ پەقەت كورېيەنى قوغداشقىلا ئىشلىتىلمەيدىغانلىقىنى ئادەتتىكى كىشىلەرمۇ بىلەلەيدىغانلىقىنى ئېيتقان ۋاڭ يى يەنە مۇنداق دېگەن: «بۇنىڭدىكى تېخىمۇ كەڭرەك پىلان بولسا، بۇ سىستېما بەلكىم خىتايغا قارىشى ئىشلىتىلىشىمۇ مۇمكىن.»
شىمالىي كورېيە ئۆزى سىناق قىلغان راكېتانىڭ تىنچلىقپەرۋەر ئالەم قاتنىشى تەتقىقاتىغا ئىشلىتىلىدىغانلىقىنى بىلدۈرگەن.
ئەمما بۇ ئامېرىكا دائىرىلىرىنى ئىشەندۈرەلمىگەن. ئۇلار شىمالىي كورېيەنىڭ ئامېرىكىغا زەربە بېرىش ئىقتىدارىغا ئىگە قىتئەلەر ئارا ئۇچىدىغان باشقۇرۇلىدىغان بومبا سىنىقىنى يوشۇرۇشقا تىرىشىۋاتقانلىقىنى ئېيتقان.
كۆپ كۆرۈلگەن خەۋەرلەر
RFA
- ئەنگلىيەلىك يۇتۇبېر كۆرگەن تاقاقلىق مەسچىتلەر ۋە روزا تۇتۇش چەكلەنگەن ئۇيغۇرلار ۋەزىيىتى دىققەت قوزغىدى
- خىتايغا قايتۇرۇلغان ئۇيغۇرلارنى «يوقلاش» قا ماڭغان تايلاند ۋەكىللەر ئۆمىكى ئاگاھلاندۇرۇلدى
- مۇتەخەسسىسلەر:«خىتايغا خۇشخەۋەر بولغان ئىشلار ئۇيغۇرلار ئۈچۈن شۇم خەۋەردۇر»
- «شىنجاڭ ۋەكىللىرى» «دۆلەت ئورتاق تىل-يېزىقى قانۇنى» غا ئۆزگەرتىش كىرگۈزمەكچى
- ئاقسۇدا روزىدارلارنىڭ روزىسىنى بۇزۇش ياكى روزا تۇتۇشقا ئىمكان قويماسلىق ئۈچۈن ئاھالىلەر مەجبۇرىي ئەمگەككە سېلىنغان