Xitay kompartiyisi xitay asasi qanunigha özgertish kirgüzüsh heqqide muzakire élip barmaqchi

Muxbirimiz shöhret hoshur
2017.12.28
Share on WhatsApp
Share on WhatsApp

Shinxu'a agéntliqining xewer qilishiche, kéler ayning 11‏-künidin 13‏-künigiche xitay kompartiyisi xitay asasi qanunigha özgertish kirgüzüsh heqqide bir muzakire yighini achmaqchiken. Xewerde muzakire témiliridin birining parixorluqqa qarshi qanun layihisi ikenliki bildürülgen, emma muzakire témisining buning bilen cheklinidighanliqi yaki cheklenmeydighanliqi bildürülmigen.

Roytérs agéntliqining bügünki bu heqtiki xewiride, kéler yili mart éyida xitayning parixorluqqa qarshi qanun layihisining “Xelq qurultiyi” namidiki qorchaq parlaméntta maqullinidighanliqi, mezkur muzakirining ene shu qurultaygha qarita bir teyyarliq ikenliki tilgha élin'ghan.

Közetküchilerning qarishiche, xitay kompartiyisining parixorluqqa qarshi sho'ari 1980‏-yillarda bashlan'ghan we shi jinping dewrde bir qisim emeliy qedemler bésilghan bolsimu, emma mesilini omumyüzlük özgerteligen yaki yiltizidin hel qilishqa jür'et qilalighan emes. Xitay közetküchiliridin xuping bir maqaliside, xitayda kompartiye rehberlikidiki bir partiye tüzümi aghdurulmighiche, xitay asasi qanunigha kirgüzülgen herqandaq bir özgürüshning parixorluqni tügitelmeydighanliqini otturigha qoyghan.

Washin'gtonda yashawatqan Uyghur közetküchi uchqunjan ependi, nöwette xitayda “Milliy téritoriyelik aptonomiye qanuni” yérim esirdin buyan quruq qeghez halitide turuwatqan bolsa, yéngidin tüzülgen yaki özgertilgen parixorluqqa qarshi qanunningmu emeliy bir rolining bolmaydighanliqini ilgiri sürdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.