Amérika hökümiti yene 4 xitay axbarat orginining amérikadiki herikitini chekleshke teyyarlanmaqta

Muxbirimiz irade
2020-06-04
Share

Roytérs agéntliqining xewer qilishiche, amérika hökümiti yene az dégende 4 xitay axbarat wasitisini "Chet'el wakaletxanisi" qilip békitish arqiliq ularning amérika tupriqidiki herikitige cheklime qoyushni közlimektiken.

Amérika tashqi ishlar ministirliqidiki ehwaldin xewerdar kishilerning éytishiche, bu qétim "Chet'el wakaletxanisi" tizimlikige élinidighan orunlar xitayning eng chong dölet téléwiziyisi bolghan merkizi téléwiziye istansisi- "CCTV" qanili we shundaqla xitayning ikkinchi chong axbarat agéntliqi bolghan "Xitay xewer agéntliqi" qatarliqlarni öz ichige alidiken. Buning bilen amérika-xitay arisidiki ziddiyetning yenimu ulghiyidighanliqi perez qilinmaqta.

Amérika hökümiti bu yil 2-ayda xitayning 5 xewer orginini chet'ellerning amérikada turushluq elchixaniliri bilen oxshash derijide mu'amile qilidighan "Chet'el dölet wakaletxanisi" tizimlikige kirgüzgen idi. Ular shinxu'a agéntliqi, xitay yershari téléwiziye tori, yeni "CGTN" qanili, xitay xelq'ara radiyosi, "Xitay kündilik xewerler géziti" we xitay kompartiyesining organ géziti bolghan "Xelq géziti" ning in'glizche nusxisi bolghan "Yershari waqti géziti" qatarliqlardin ibaret.

Amérika-xitay arisidiki ziddiyet hazir künsayin ulghyip méngiwatqan bolup, her küni dégüdek yéngi qararlar élinmaqta. Amérika hökümiti yéqinda xitayning Uyghur élidiki kishilik hoquq depsendichilikige alaqidar 9 shirkitini öz ichige alghan jem'iy 33 xitay shirkiti we jem'iyetlirini qara tizimlikke alghan idi.

Mezkur qara tizimlik "Amérika mu'essese tizimliki" depmu atilidighan bolup, bu tizimlikke élin'ghan shirketler amérikaning yuqiri téxnikisini ishlitish we amérika bazarlirigha mal kirgüzüshte cheklimige uchraydu. Amérika soda ministirliqi 3-iyun charshenbe küni bayanat bérip aldinqi ayda élan qilghan 33 xitay shirkiti we orginigha qoyulidighan cheklime qararining 5-iyun jüme künidin bashlap resmiy yolgha qoyulidighanliqini jakarlidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet